ಕರುನಾಡು ಘರ್ಜನೆ ಸುದ್ದಿ : ಮುದ್ದೇಬಿಹಾಳ: ಪಟ್ಟಣದಿಂದ ಸ್ವಲ್ಪ ದೂರದಲ್ಲಿ ತಂಗಡಗಿ ರಸ್ತೆ ಪಕ್ಕದ ಜಮೀನೊಂದರಲ್ಲಿ ಅರೆನಗ್ನಾವಸ್ಥೆಯಲ್ಲಿ ಅನಾಮಧೇಯ ಮಹಿಳೆಯ ಶವ ಪತ್ತೆಯಾದ ಘಟನೆ ನ.2ರ ಶನಿವಾರ ನಡೆದಿದೆ.
ಶವದ ಕೊರಳಲ್ಲಿ ಬಿಳಿ ಮುತ್ತಿನ ಸರ ಹೊರತುಪಡಿಸಿ ಬೇರೆ ಯಾವುದೇ ಆಭರಣ ಇಲ್ಲ. ಮೂಗಿನಿಂದ ರಕ್ತಮಿಶ್ರಿತ ನೊರೆ ಹೊರಬರುತ್ತಿದೆ. ರವಿಕೆಯೊಳಗೆ ಮೊಬೈಲ್ ಇದೆ. ತಲೆಯ ಪಕ್ಕದಲ್ಲಿ ಹರಿದ ಚಪ್ಪಲಿ ಇವೆ. ತಲೆಯ ಕೆಳಗೆ ಸೀರೆ ಹಾಸಲಾಗಿದೆ. ಕಾಲಿನ ಬಳಿ ಇರುವ ನೆಲದ ಮಣ್ಣು ಗಟ್ಟಿಯಾಗಿರದೆ ಸಡಿಲವಾಗಿದ್ದು, ಕಾಲುಗಳ ತಿಕ್ಕಾಟದಿಂದ ಗಟ್ಟಿ ಮಣ್ಣು ಸಡಿಲವಾದಂತೆ ಕಾಣುತ್ತದೆ.
ಸ್ಥಳಕ್ಕೆ ಮುದ್ದೇಬಿಹಾಳ ಪೊಲೀಸರು ಭೇಟಿ ನೀಡಿ ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
