ಕರುನಾಡು ಘರ್ಜನೆ ಸುದ್ದಿ ಗದಗ: ಜುಲೈ 27ರಂದು ತುಮಕೂರಿನಲ್ಲಿ ನಡೆದ ರಾಷ್ಟ್ರಮಟ್ಟದ ಗ್ಲ್ಯಾಮ್ ಸ್ಟಾರ್ ಇಂಡಿಯಾ 2025 ಸಿಸನ್-2 ಸೌಂದರ್ಯ ಸ್ಪರ್ಧೆಯಲ್ಲಿ ಗದಗ ಜಿಲ್ಲೆಯ ಮುಂಡರಗಿ ತಾಲೂಕಿನ ಸುಂದರಿಯರು ಸ್ಪರ್ಧಿಸಿ ರನ್ನರ್ ಆಫ್ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದು, ಟ್ಯಾಲೆಂಟೆಡ್ ಅವಾರ್ಡ್ ಅನ್ನು ಪಡೆಯುವಲ್ಲಿ ಯಶಸ್ವಿ ಆಗಿದ್ದಾರೆ. 13 ವರ್ಷದೊಳಗಿನ ಸ್ಪರ್ಧೆ ಹಾಗೂ 13 ರಿಂದ 19 ವರ್ಷದೊಳಗಿನವರ ಟೀನ್ ಕ್ಯಾಟಗರಿಯಲ್ಲಿ ಪ್ರಶಸ್ತಿ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ ಅಂತ ಎಂಡಿ ಮಾಡಲ್ಸ್ ಮ್ಯಾನೇಜ್ಮೆಂಟ್ ಸಂಸ್ಥಾಪಕ ಯೋಗೇಶ್ ಹೊಸಮಠ ಹೇಳಿದರು.
ಬುಧವಾರ ಇಲ್ಲಿನ ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಠಿಯನ್ನು ನಡೆಸಿ ಮಾತನಾಡಿದ ಅವರು, ನಂದಾ ಮತ್ತು ದೀಪಾ ಇಬ್ಬರು 13 ವಯಸ್ಸಿನ ರನ್ನರ್ ಆಫ್ ಆಗಿದ್ದಾರೆ. ಹಾಗೂ ಟ್ಯಾಲೆಂಟೆಡ್ ರೌಂಡ್ ನ ರನ್ನಫ್ ಆಫ್ ಪ್ರಶಸ್ತಿಯನ್ನು ದೀಪಾ ಪಡೆಯುವಲ್ಲಿ ಯಶಸ್ಸಿ ಆಗಿದ್ದಾರೆ. ಈ ಸ್ಪರ್ಧೆಯು ಕೇವಲ ಸೌಂದರ್ಯಕ್ಕಷ್ಟೆ ಮೀಸಲು ಇರುವುದಿಲ್ಲ. ಸೌಂದರ್ಯದ ಜೊತೆಗೆ ಬುದ್ದಿ ಶಕ್ತಿಯನ್ನು ಪರೀಕ್ಷಿಸುವ ಸ್ಪರ್ಧೆಯಾಗಿತ್ತು. ಈ ಪ್ರಶಸ್ತಿಯನ್ನು ನಮ್ಮ ಜಿಲ್ಲೆಯ ಹುಡುಗಿಯರು ಪಡೆದದ್ದು ಸಂತಸ ತಂದಿದೆ. ಜೊತೆಗೆ 19 ವರ್ಷ ಮೇಲ್ಪಟ್ಟ ಮಿಸ್ ಕೆಟಗರಿಯಲ್ಲಿ ದಾವಣಗೆರೆಯಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರುವ ಮೂಲತಃ ಮುಂಡರಗಿಯವರಾದ ಸೋನಿಯಾ ಶೇಠ್ ರನ್ನರ್ ಆಫ್ ಪ್ರಶಸ್ತಿಗೆ ಭಾಜನರಾಗಿದ್ದಾರೆ ಅಂತ ತಿಳಿಸಿದರು.
ಗದಗ ಜಿಲ್ಲೆಯ ಸಂಸ್ಕೃತಿಯನ್ನು ಪ್ರದರ್ಶಿಸುವ ಉದ್ದೇಶದಿಂದಾಗಿ ಅತೀ ಶೀಘ್ರದಲ್ಲಿ “ಗದಗ ಫ್ಯಾಷನ್ ವೀಕ್” ಪ್ರಾರಂಭ ಮಾಡಲಾಗುವುದು. ಬೆಟಗೇರಿಯ ಸೀರೆಗಳಿಗೆ ದೇಶಾದ್ಯಂತ ಹೆಚ್ಚು ಬೇಡಿಕೆ ಇದೆ. ಅದೇ ರೀತಿ ಕಲೆ, ಸಾಹಿತ್ಯದಲ್ಲೂ ಗದಗ ಜಿಲ್ಲೆ ಮುಂಚೂಣಿಯಲ್ಲಿದ್ದು, ಆ ಎಲ್ಲಾ ಪ್ರತಿಭೆಗಳನ್ನು ಅನಾವರಣಗೊಳಿಸುವುದೇ ಗದಗ ಫ್ಯಾಷನ್ ವೀಕ್ ಮೂಲ ಉದ್ದೇಶ ಆಗಿದೆ. ಅತೀ ಶೀಘ್ರದಲ್ಲಿ ಗದಗ ನಗರದಲ್ಲಿ ಈ ಕಾರ್ಯಕ್ರಮವನ್ನು ಪ್ರಾರಂಭ ಮಾಡಲಾಗುವುದು ಅಂತ ಹೇಳಿದರು.
ಸಾನಿಯಾ ಶೇಠ್ ಮಾತನಾಡಿ, ಸ್ಪರ್ಧೆಯಲ್ಲಿ ಭಾಗವಹಿಸಿ ರನ್ನರ್ ಆಫ್ ಕಿರೀಟ ಪಡೆದುಕೊಂಡಿದ್ದು ಸಂತಸ ತಂದಿದೆ. ನಾವು ಭಾಗವಹಿಸಿದ ಸ್ಪರ್ಧೆಯಲ್ಲಿ ಬೆಂಗಳೂರು, ಮಂಗಳೂರು, ಬೆಳಗಾವಿ ಸೇರಿದಂತೆ ಸ್ಯಾಂಡಲ್ವುಡ್ ನಟಿಯರು ಭಾಗವಹಿಸಿದ್ದರು. ಇವರೆಲ್ಲರ ನಡುವೆ ಸ್ಪರ್ಧಿಸಿ ರನ್ನರ್ ಆಫ್ ಪಡೆದದ್ದು ನಮಗೆ ಹೆಮ್ಮೆ ಅನಿಸಿದೆ. ಖ್ಯಾತ ನಾಯಕ ನಟ ಶರಣ್ ಅವರಿಂದ ಪ್ರಶಸ್ತಿ ಸ್ವೀಕರಿಸಿದ್ದು ನಮ್ಮ ಸಂತಸವನ್ನು ಇಮ್ಮಡಿಗೊಳಿಸಿದೆ ಅಂತ ತಮ್ಮ ಅನುಭವ ಹಂಚಿಕೊಂಡರು. ಈ ವೇಳೆ ನಂದಾ ಹಾಗು ದೀಪ ಉಪಸ್ಥಿತರಿದ್ದರು.
