ಗದಗ ಜಿಮ್ಸ್ ನಿರ್ದೇಶಕರು ಹಾಗೂ ಡಾ| ಬಿಜ್ಜಳ, ಹಿರಿಯ ತಜ್ಞರು, ಮಾನಸಿಕ ರೋಗ ವಿಭಾಗ ಗದಗ ಮತ್ತು ಇತರೇ ಅಧಿಕಾರಿಗಳ ಇವರ ವಿರುದ್ಧ ಲೋಕಾಯುಕ್ತರಿಗೆ ದೂರು..!

ಕರುನಾಡು ಘರ್ಜನೆ ಸುದ್ದಿ ಗದಗ : ಗದಗ ಲೋಕಾಯುಕ್ತರಿಗೆ ಅಂಬೇಡ್ಕರ್ ದಲಿತ ಸಂಘರ್ಷ ಸಮಿತಿ ಗದಗ ಜಿಲ್ಲಾ ಅಧ್ಯಕ್ಷರಾದ ಶಿವಾನಂದ ತಮ್ಮನವರ ದೂರು ನೀಡಿದ್ದರು ಗದಗ ಜಿಲ್ಲಾ ಆಸ್ಪತ್ರೆಯಲ್ಲಿ ಭ್ರಷ್ಟಾಚಾರ ನುಡಿದಿದದ್ದು. ದೂರು ಕೇಸ್ ನಂಬರ COMPT/LOK/BGM/15274/2026 ಗದಗ ಜಿಲ್ಲಾ ಬೋಧಕ ಜಿಲ್ಲಾ ಆಸ್ಪತ್ರೆ ಗದಗನಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಿಂದ ಡಾ| ಬಿಜ್ಜಳರವರು ಹಿರಿಯ ತಜ್ಞರೆಂದು ಮನೋರೋಗ ವಿಭಾಗದಲ್ಲಿ ಕೆಲಸ ನಿರ್ವಹಿಸುತ್ತಿರುವರು.

ಇವರು ಸುಮಾರು 7-8 ವರ್ಷಗಳಿಂದ ಜಿಲ್ಲಾ ಆಸ್ಪತ್ರೆಯಲ್ಲಿ ಹಿರಿಯ ತಜ್ಞರೆಂದು ಇದ್ದು, ಆದರೆ ಇವರು ಇದುವರೆಗೂ ಹಿರಿಯ ತಜ್ಞರ ಹುದ್ದೆಗೆ ಇರುವ ಕರ್ತವ್ಯಗಳನ್ನು ನಿರ್ವಹಿಸುತ್ತಿರುವುದಿಲ್ಲ. ಒಂದು ದಿನವೂ ಹೊರರೋಗಿ ವಿಭಾಗದಲ್ಲಿ ರೋಗಿಗಳ ತಪಾಸಣೆಗೆ . Post Mortem duty, Casualty, on call duty a ತರಹದ ಕರ್ತವ್ಯಗಳನ್ನು ಇದುವರೆಗೂ ನಿರ್ವಹಿಸಿರುವುದಿಲ್ಲ.

ಆದರೆ ಇವುಗಳನ್ನೆಲ್ಲ ಸದರಿ ವೈದ್ಯರು ಮಾಡುತ್ತಾರೆಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಿಂದ ಹೆಚ್ಚುವರಿಯಾಗಿ ವೇತನದೊಂದಿಗೆ ವಿಶೇಷ ಭತ್ಯೆಯನ್ನು ನೀಡಲಾಗುತ್ತದೆ. ಈ ಭತ್ಯೆಯು ಆಡಳಿತಾತ್ಮಕ ಹುದ್ದೆಗಳಲ್ಲಿ ಕರ್ತವ್ಯ ನಿರ್ವಹಿಸಿದರೆ ನೀಡಲು ಬರುವುದಿಲ್ಲ.

ಸದರಿಯವರು ಹಿರಿಯ ತಜ್ಞರ ಯಾವುದೇ ಕರ್ತವ್ಯಗಳನ್ನು ನಿರ್ವಹಿಸದೇ ಅಂದಾಜು ಪ್ರತಿ ತಿಂಗಳು ರೂ. 70,000/- ರಿಂದ ರೂ. 75,000/- ಗಳ ವಿಶೇಷ ಭತ್ಯೆಯನ್ನು 7-8 ವರ್ಷಗಳಿಂದ ಪಡೆದಿರುತ್ತಾರೆ.

ಇವರು ಬಂದ ದಿನದಿಂದ ಇಲ್ಲಿಯವರೆಗೆ Biometric ಹಾಜರಾತಿ ಹಾಗೂ ಇವರಿಗೆ ನೀಡಿದ ಹುದ್ದೆಯ ಆದೇಶ ಪ್ರತಿಯನ್ನು ಪರಿಶೀಲಿಸಿ ಇವರ ವಿಶೇಷ ಭತ್ಯೆಯನ್ನು ತನಿಖೆ ಮಾಡಿ, ಡಾ|| ಬಿಜ್ಜಳ, ಹಿರಿಯ ತಜ್ಞರು, ಮಾನಸಿಕ ರೋಗ ವಿಭಾಗ ಹಾಗೂ ಇನ್ನಿತರ ಅಧಿಕಾರಿಗಳ ವಿರುದ್ಧ ಮತ್ತು ಸದರಿಯವರಿಗೆ ಕಾನೂನು ಬಾಹಿರವಾಗಿ ಎಲ್ಲ ರೀತಿಯಲ್ಲೂ ಸಹಾಯ ಮಾಡುತ್ತಿದ್ದ ನಿರ್ದೇಶಕರು ಜಿಮ್ ಗದಗ ಮತ್ತು ಇತರೇ ಅಧಿಕಾರಿಗಳ ವಿರುದ್ಧ ಸೂಕ್ತ ತನಿಖೆಯನ್ನು ಮಾಡಿ, ಸರ್ಕಾರಕ್ಕೆ ಆದ ಆರ್ಥಿಕ ನಷ್ಟವನ್ನು ಅವರಿಂದ ವಸೂಲಿ ಮಾಡಲು ಲೋಕಾಯುಕ್ತದಲ್ಲಿ FIR ದಾಖಲು ಮಾಡಿದ್ದೀನಿ ಎಂದು ಅಂಬೇಡ್ಕರ್ ದಲಿತ ಸಂಘರ್ಷ ಸಮಿತಿ ಗದಗ ಜಿಲ್ಲಾ ಅಧ್ಯಕ್ಷರಾದ ಶಿವಾನಂದ ತಮ್ಮನವರ ಎಂದು ಹೇಳಿದರು