ಫೆಬ್ರವರಿ 28ರ ಬೃಹತ್ ‘ಹಿಂದೂ ಸಮ್ಮೇಳನ’ಕ್ಕೆ ಗದಗ ಜಿಲ್ಲಾ ಸವಿತಾ ಸಮಾಜದ ಅಭೂತಪೂರ್ವ ಬೆಂಬಲ – ಸಮಿತಿಯಿಂದ ಆಮಂತ್ರಣ ಸ್ವೀಕಾರ.

ಕರುನಾಡು ಘರ್ಜನೆ ಸುದ್ದಿ ಗದಗ 22: ನಗರದ ವೀರಶೈವ ಜನರಲ್ ಲೈಬ್ರರಿ ಹತ್ತಿರದಲ್ಲಿ ಬರುವ ಫೆಬ್ರವರಿ 28, 2026ರ ಶನಿವಾರದಂದು ಆಯೋಜಿಸಲಾಗಿರುವ ಬೃಹತ್ *”ಹಿಂದೂ ಸಮ್ಮೇಳನ”* ಕ್ಕೆ ಗದಗ ಜಿಲ್ಲಾ ಸವಿತಾ ಸಮಾಜವು ತನ್ನ ಸಂಪೂರ್ಣ ಬೆಂಬಲವನ್ನು ಘೋಷಿಸಿದೆ.
ಇಂದು ಹಿಂದೂ ಸಮ್ಮೇಳನ ಸಮಿತಿಯ ಪದಾಧಿಕಾರಿಗಳು ಗಂಗಾಪುರ ಪೇಟೆಯ ಶ್ರೀ ದುರ್ಗಾದೇವಿ ದೇವಸ್ಥಾನದಲ್ಲಿ ಗದಗ ಜಿಲ್ಲಾ ಸವಿತಾ ಸಮಾಜದ ಜಿಲ್ಲಾಧ್ಯಕ್ಷರಾದ ಕೃಷ್ಣಾ ಎಚ್ ಹಡಪದ ಅವರನ್ನು ಭೇಟಿ ಮಾಡಿ, ಅಧಿಕೃತವಾಗಿ ಆಮಂತ್ರಣ ಪತ್ರಿಕೆಯನ್ನು ನೀಡಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಗದಗ ಜಿಲ್ಲಾ ಸವಿತಾ ಸಮಾಜದ ಜಿಲ್ಲಾಧ್ಯಕ್ಷರಾದ ಕೃಷ್ಣಾ ಎಚ್ ಹಡಪದ ಅವರು, “ಹಿಂದೂ ಸಮಾಜದ ಎಲ್ಲಾ ಸ್ತರದ ಜನರನ್ನು ಒಂದೇ ವೇದಿಕೆಯಲ್ಲಿ ಒಗ್ಗೂಡಿಸುವ ಈ ಪ್ರಯತ್ನಕ್ಕೆ ಸವಿತಾ ಸಮಾಜವು ಸಕ್ರಿಯವಾಗಿ ಸಾಥ್ ನೀಡಲಿದೆ. ಸಮ್ಮೇಳನ ಸಮಿತಿಯವರು ಖುದ್ದಾಗಿ ಬಂದು ಆಮಂತ್ರಣ ನೀಡಿರುವುದು ಹಿಡಿ ನಮ್ಮ ಸವಿತಾ ಸಮಾಜಕ್ಕೆ ಸಂತೋಷ ತಂದಿದೆ,” ಎಂದು ತಿಳಿಸಿದರು.
ಕಾರ್ಯಕ್ರಮದ ವಿವರ: ದಿನಾಂಕ: 28-02-2026, ಶನಿವಾರ ಶೋಭಾಯಾತ್ರೆ: ಮಧ್ಯಾಹ್ನ 3:00 ಗಂಟೆಗೆ ಹುಡ್ಕೋ 2.ನೇ ಕ್ರಾಸ್ ಹತ್ತಿರದ ಶ್ರೀ ಅಂಬಾಭವಾನಿ ದೇವಸ್ಥಾನದಿಂದ ಪ್ರಾರಂಭಗೊಂಡು ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಲಿದೆ.
ಬೃಹತ್ ಸಮಾವೇಶ: ಸಂಜೆ 6:00 ಗಂಟೆಗೆ ನಗರದ ವೀರಶೈವ ಜನರಲ್ ಲೈಬ್ರರಿ ಹತ್ತಿರದಲ್ಲಿ ಜರುಗಲಿದೆ ಕಾರಣ
ಗದಗ-ಬೆಟಗೇರಿ ಅವಳಿ ನಗರದ ಹಾಗೂ ಜಿಲ್ಲೆಯಾದ್ಯಂತ ಇರುವ ಸವಿತಾ ಸಮಾಜದ ಸಮಸ್ತ ಬಾಂಧವರು ಅಂದು ತಮ್ಮ ವೃತ್ತಿ-ವ್ಯವಹಾರಗಳನ್ನು ಸ್ಥಗಿತಗೊಳಿಸಿ, ಈ ಐತಿಹಾಸಿಕ ಸಮಾವೇಶದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕು. ಸಮಾಜದ ಪ್ರತಿಯೊಂದು ಸಂಘಟನೆಗಳು ಮತ್ತು ಯುವ ಪೀಳಿಗೆಯು ಅಂದು ಸಂಘಟಿತರಾಗಿ ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕೆಂದು ಅವರು ಈ ಮೂಲಕ ಕರೆ ನೀಡಿದ್ದಾರೆ.
ಈ ಸಂದರ್ಭದಲ್ಲಿ ಹಿಂದೂ ಸಮ್ಮೇಳನ ಸಮಿತಿಯ ಪ್ರಮುಖರುಗಳಾದ ಶ್ರೀಮತಿ ರಾಣಿ ಚಂದಾವರಿ. ರಾಘವೇಂದ್ರ ಕಾಟವಾ.
ಗಜಾನನ ಲುಕ್ಕಣಸಾ ರಾಜೋಳಿ. ರಾಜೇಶ್ ಕಟವಟೆ. ಶ್ರೀಧರ ಹಿರೇಮಠ. ಜಗದೀಶ ಹೆಬಸೂರ. ಹಾಗೂ ಸವಿತಾ ಸಮಾಜದ ಪ್ರಮುಖ ಮುಖಂಡರು ಉಪಸ್ಥಿತರಿದ್ದರು.