ಕರುನಾಡು ಘರ್ಜುನೆ ಸುದ್ದಿ ಲಕ್ಷ್ಮೀಶ್ವರ, ಜೂನ್ 18: ಲಕ್ಷ್ಮೀಶ್ವರ ಪಟ್ಟಣದ ಮುಕ್ತಿನಗರದ ಅಗಸ್ಕೃತೀರ್ಥ ದೇವಸ್ಥಾನದ ಸಮೀಪ ಗಾಂಜಾ ಮಿಶ್ರಿತ ಸಿಗರೇಟು ಸೇವನೆ ಮಾಡುತ್ತಿದ್ದ ಇಬ್ಬರು ಯುವಕರ ಬಂಧನದಿಂದ ಆರಂಭವಾದ ತನಿಖೆ, ಅಂತರ್‌ಜಿಲ್ಲಾ ಮಾದಕ ವಸ್ತು ಜಾಲದ ಭೇದನೆಗೆ ಕಾರಣವಾಗಿದೆ.
ಪ್ರಕರಣದ ತನಿಖೆ ವೇಳೆ ಗದಗ-ಲಕ್ಷ್ಮೀಶ್ವರ ಮಾರ್ಗದಲ್ಲಿ ಗಾಂಜಾ ಮಾರಾಟದಲ್ಲಿ ತೊಡಗಿದ್ದ ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿ, ಅವರಿಂದ ₹10.18 ಲಕ್ಷ ಮೌಲ್ಯದ 2.365 ಕೆ.ಜಿ. ಗಾಂಜಾವನ್ನು ವಶಪಡಿಸಿಕೊಂಡಿದ್ದಾರೆ.
ಜೂನ್ 15ರಂದು ಸಂತೋಷ ಉಪ್ಪಾರ ಹಾಗೂ ಸಾಧಿಕ್ ರಿತ್ತಿ ಎಂಬವರನ್ನು ಗಾಂಜಾ ಸೇವನೆ ಮಾಡುತ್ತಿದ್ದ ವೇಳೆ ಲಕ್ಷ್ಮೀಶ್ವರ ಪೊಲೀಸರು ದಾಳಿ ನಡೆಸಿ ಬಂಧಿಸಿದ್ದರು. ಈ ಕುರಿತು ಲಕ್ಷ್ಮೀಶ್ವರ ಪೊಲೀಸ್ ಠಾಣೆಯಲ್ಲಿ ಗುನ್ನಾ ಸಂಖ್ಯೆ 117/2026ರಡಿ ಎನ್‌ಡಿಪಿಎಸ್ ಕಾಯ್ದೆಯ ಕಲಂ 27(ಬಿ) ಅನ್ವಯ ಪ್ರಕರಣ ದಾಖಲಿಸಲಾಗಿತ್ತು.
ಪ್ರಕರಣದ ತನಿಖೆಯನ್ನು ಮುಂದುವರಿಸಿದ ಪೊಲೀಸರು ಜೂನ್ 18ರಂದು ಗದಗ-ಲಕ್ಷ್ಮೀಶ್ವರ ರಸ್ತೆಯಲ್ಲಿ ಗಾಂಜಾ ಮಾರಾಟ ನಡೆಸುತ್ತಿದ್ದ ನಾಗರಾಜ ಮುತಗಾರ, ಪ್ರಶಾಂತ ಕಟಗೇರಿ ಹಾಗೂ ಗಂಗಪ್ಪ ಚವ್ಹಾಣ ಎಂಬ ಮೂವರನ್ನು ಬಂಧಿಸಿದ್ದಾರೆ.
ಆರೋಪಿಗಳಿಂದ ಸುಮಾರು 2.365 ಕೆ.ಜಿ. ತೂಕದ ಗಾಂಜಾವನ್ನು ವಶಪಡಿಸಿಕೊಂಡು, ಪ್ರಕರಣಕ್ಕೆ ಎನ್‌ಡಿಪಿಎಸ್ ಕಾಯ್ದೆಯ ಕಲಂ 20(ಬಿ) ಅನ್ನು ಸಹ ಸೇರಿಸಲಾಗಿದೆ. ಬಂಧಿತ ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.
ಈ ಯಶಸ್ವಿ ಕಾರ್ಯಾಚರಣೆಯನ್ನು ಪಿಎಸ್‌ಐ (ಅವಿ) ಟಿ.ಕೆ. ರಾಠೋಡ ಹಾಗೂ ಸಿಬ್ಬಂದಿ ವರ್ಗ ನಡೆಸಿದ್ದು, ತನಿಖಾಧಿಕಾರಿ ನಾಗರಾಜ ಗಡದ (ಪಿಎಸ್‌ಐ) ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆದಿದೆ. ಗದಗ ಉಪ ವಿಭಾಗದ ಡಿಎಸ್‌ಪಿ ಹಾಗೂ ಶಿರಹಟ್ಟಿ ವೃತ್ತದ ಸಿಪಿಐ ಬಿ.ವಿ. ನ್ಯಾಮಗೌಡ ಅವರ ಮಾರ್ಗದರ್ಶನದಲ್ಲಿ ನಡೆದ ಕಾರ್ಯಾಚರಣೆಗೆ ಜಿಲ್ಲಾ ಪೊಲೀಸ್ ಅಧೀಕ್ಷಕರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
“ಗಾಂಜಾ ಜಾಲಕ್ಕೆ ಪೊಲೀಸರ ಬಿಗಿ ಬಲೆ: ₹10 ಲಕ್ಷ ಮೌಲ್ಯದ ಮಾದಕ ವಸ್ತು ವಶ, ಐವರು ಅಂದರ್!”
“ಸಿಗರೇಟಿನಲ್ಲಿ ಗಾಂಜಾ ಸೇವನೆಯಿಂದ ಬಯಲಾಯ್ತು ಡ್ರಗ್ಸ್ ಜಾಲ – ಲಕ್ಷ್ಮೀಶ್ವರ ಪೊಲೀಸರ ಭರ್ಜರಿ ಕಾರ್ಯಾಚರಣೆ”
“ಗದಗ-ಲಕ್ಷ್ಮೀಶ್ವರ ಮಾರ್ಗದಲ್ಲಿ ಗಾಂಜಾ ದಂಧೆಗೆ ಕಡಿವಾಣ: ಐವರ ಬಂಧನ, ಲಕ್ಷಾಂತರ ಮೌಲ್ಯದ ಗಾಂಜಾ ವಶ”
