ಕೊಪ್ಪಳದಲ್ಲಿ ಕರ್ನಾಟಕ ರಾಜ್ಯ ಪೌರ ಸೇವಾ ನೌಕರರ ಸೇವಾ ಸಂಘದ ಜಿಲ್ಲಾ ಘಟಕಕ್ಕೆ ನೂತನ ಪದಾಧಿಕಾರಿಗಳ ಸರ್ವಾನುಮತದಿಂದ ಆಯ್ಕೆ”

ಕರುನಾಡು ಘರ್ಜನೆ ಸುದ್ದಿ ಕೊಪ್ಪಳ :ಜು.29. ಕರ್ನಾಟಕ ರಾಜ್ಯ ಪೌರ ಸೇವಾ ನೌಕರರ ಸೇವಾ ಸಂಘದ ರಾಜ್ಯ ಅಧ್ಯಕ್ಷೆ ಶ್ರೀಮತಿ ಶೈಲಾ ಕೆ.ಡಿ. ಅವರ ಮಾರ್ಗದರ್ಶನ, ರಾಜ್ಯ ಜಂಟಿ ಕಾರ್ಯದರ್ಶಿ ಲಾಲ್ ಸಾಬ್ ಮನಿಯಾರ್ ಅವರ ನೇತೃತ್ವ ಹಾಗೂ ಜಿಲ್ಲಾ ಅಧ್ಯಕ್ಷ ವಸಂತ್ ಬೆಲ್ಲದ್ ಅವರ ಅಧ್ಯಕ್ಷತೆಯಲ್ಲಿ ಕೊಪ್ಪಳ ಜಿಲ್ಲಾ ಪದಾಧಿಕಾರಿಗಳ ಆಯ್ಕೆ ಕುರಿತು ಮಹತ್ವದ ಸಭೆಯನ್ನು ನಡೆಸಲಾಯಿತು.

ಸಭೆಯಲ್ಲಿ ಕೊಪ್ಪಳ ಜಿಲ್ಲಾ ಘಟಕದ ನೂತನ ಪದಾಧಿಕಾರಿಗಳನ್ನು ಸರ್ವಾನುಮತದಿಂದ ಆಯ್ಕೆ ಮಾಡಲಾಗಿದ್ದು, ಕಚೇರಿ ವ್ಯವಸ್ಥಾಪಕರಾದ ಮುನಿಸ್ವಾಮಿ ಅವರು ಆಯ್ಕೆ ಪ್ರಕ್ರಿಯೆಯನ್ನು ನಡೆಸಿ ನೂತನ ಪದಾಧಿಕಾರಿಗಳ ಪಟ್ಟಿಯನ್ನು ಅಧಿಕೃತವಾಗಿ ಘೋಷಿಸಿದರು.
ನೂತನ ಪದಾಧಿಕಾರಿಗಳ ವಿವರ:
ಜಿಲ್ಲಾ ಗೌರವಾಧ್ಯಕ್ಷರಾಗಿ: ಜಿಲ್ಲಾ ನಗರ ಅಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕ ಮಂಜುನಾಥ್ ಗುಂಡೂರ್ (ಕೊಪ್ಪಳ) ಆಯ್ಕೆಯಾದರು.
ಜಿಲ್ಲಾ ಅಧ್ಯಕ್ಷರಾಗಿ ವಸಂತ ಬೆಲ್ಲದ್ (ಕೊಪ್ಪಳ)
ಉಪಾಧ್ಯಕ್ಷರಾಗಿ: ಚಿರಂಜೀವಿ ದೊಡ್ಮನಿ (ಕುಷ್ಟಗಿ) ಹಾಗೂ ರಮೇಶ್ ಬೇಲೇರಿ (ಕುಷ್ಟಗಿ)
ಜಿಲ್ಲಾ ಪ್ರಧಾನ ಕಾರ್ಯದರ್ಶಿಯಾಗಿ: ರಾಘವೇಂದ್ರ ಚೌಹಾಣ್ (ಕೊಪ್ಪಳ)
ಜಿಲ್ಲಾ ಜಂಟಿ ಕಾರ್ಯದರ್ಶಿಯಾಗಿ: ಶಿವಕುಮಾರ್ ಸರಗಣಾಚಾರ್ಯ (ಯಲಬುರ್ಗಾ)
ಸಂಘಟನಾ ಕಾರ್ಯದರ್ಶಿಯಾಗಿ: ನಾಗೇಶ್ (ಕಾರಟಗಿ)
ಜಿಲ್ಲಾ ಸಹ ಸಂಘಟನಾ ಕಾರ್ಯದರ್ಶಿಯಾಗಿ: ಗವಿಸಿದ್ದಪ್ಪ ಅಳ್ಳಳ್ಳಿ (ಕೊಪ್ಪಳ)
ಜಿಲ್ಲಾ ಖಜಾಂಚಿಯಾಗಿ: ಗವಿಸಿದ್ದಪ್ಪ ಕಟ್ಟಿಮನಿ (ಕೊಪ್ಪಳ)
ಸಾಂಸ್ಕೃತಿಕ ಕಾರ್ಯದರ್ಶಿಯಾಗಿ: ರಾಮಣ್ಣ ಗುಗ್ರಿ (ಗಂಗಾವತಿ)
ಕಾನೂನು ಸಲಹೆಗಾರರಾಗಿ: ಷಣ್ಮುಖಪ್ಪ (ಗಂಗಾವತಿ) ಆಯ್ಕೆಯಾದರು.

“ನ್ಯಾಯಯುತ ಹಕ್ಕುಗಳಿಗಾಗಿ ಒಗ್ಗಟ್ಟಿನ ಹೋರಾಟಕ್ಕೆ ಕರೆ:

ಸಭೆಯನ್ನುದ್ದೇಶಿಸಿ ಮಾತನಾಡಿದ ಕರ್ನಾಟಕ ರಾಜ್ಯ ಪೌರ ಸೇವಾ ನೌಕರರ ಸೇವಾ ಸಂಘದ ರಾಜ್ಯ ಜಂಟಿ ಕಾರ್ಯದರ್ಶಿ “ಲಾಲ್ ಸಾಬ್ ಮನಿಯಾರ್” ಅವರು, “ಪೌರ ಸೇವಾ ಸಂಸ್ಥೆಗಳಲ್ಲಿ 10 ವರ್ಷಗಳಿಂದ ದಿನಗೂಲಿ, ಕ್ಷೇಮಾಭಿವೃದ್ಧಿ ಹಾಗೂ ಸಮಾನ ಕೆಲಸ ನಿರ್ವಹಿಸುತ್ತಿರುವ ನೌಕರರನ್ನು ಸುಪ್ರೀಂ ಕೋರ್ಟ್ ಆದೇಶದಂತೆ ತಕ್ಷಣವೇ ಕಾಯಂಗೊಳಿಸಬೇಕು,” ಎಂದು ಒತ್ತಾಯಿಸಿದರು.
ಮುಂದುವರಿದು ಮಾತನಾಡಿದ ಅವರು, ಸಂಘಟನೆಯ ಪ್ರಮುಖ ಬೇಡಿಕೆಗಳನ್ನು ಪ್ರಸ್ತಾಪಿಸಿದರು:
ಪೌರ ಸೇವೆಯ ಎಲ್ಲಾ ವೃಂದದ ಅಧಿಕಾರಿ ಮತ್ತು ಸಿಬ್ಬಂದಿಗಳಿಗೆ ‘ಆರೋಗ್ಯ ಸಂಜೀವಿನಿ” ಯೋಜನೆ ಜಾರಿಗೊಳಿಸುವುದು.
” ಹೊರಗುತ್ತಿಗೆ ಪದ್ಧತಿ (ಟೆಂಡರ್) ರದ್ದುಪಡಿಸಿ, ನೌಕರರಿಗೆ “ನೇರ ಪಾವತಿ” ವ್ಯವಸ್ಥೆ ಜಾರಿಗೆ ತರುವುದು.
“ಹೊಸ ಪಿಂಚಣಿ ಪದ್ಧತಿ (NPS) ರದ್ದುಪಡಿಸಿ, “ಹಳೆಯ ಪಿಂಚಣಿ ಪದ್ಧತಿ (OPS)” ಯನ್ನು ಮರುಜಾರಿಗೊಳಿಸುವುದು.
“ರಾಜ್ಯ ಅಧ್ಯಕ್ಷರಾದ ಶ್ರೀಮತಿ ಶೈಲಾ ಕೆ.ಡಿ. ಅವರ ನಾಯಕತ್ವದಲ್ಲಿ ಸರ್ಕಾರದ ಮಟ್ಟದಲ್ಲಿ ಈ ಎಲ್ಲಾ ಬೇಡಿಕೆಗಳ ಈಡೇರಿಕೆಗೆ ಶ್ರಮಿಸಲಾಗುತ್ತಿದೆ. ನೂತನವಾಗಿ ಆಯ್ಕೆಯಾದ ಪದಾಧಿಕಾರಿಗಳು ಜಿಲ್ಲೆಯ ಎಲ್ಲಾ ಸ್ಥಳೀಯ ಸಂಸ್ಥೆಗಳಿಗೆ ಭೇಟಿ ನೀಡಿ ನೌಕರರನ್ನು ಸಂಘಟಿಸಬೇಕು. ಮುಂದಿನ ದಿನಗಳಲ್ಲಿ ಸಂಘಟನೆ ಕೈಗೊಳ್ಳುವ ನಿರ್ಣಯಗಳು ಮತ್ತು ಹೋರಾಟಗಳಿಗೆ ಪ್ರತಿಯೊಬ್ಬರೂ ಬದ್ಧರಾಗಿರಬೇಕು,”* ಎಂದು ಲಾಲ್ ಸಾಬ್ ಮನಿಯಾರ್ ಕರೆ ನೀಡಿದರು.

ಈ ಆಯ್ಕೆ ಪ್ರಕ್ರಿಯೆ ಸಭೆಯಲ್ಲಿ ಸಂಘದ ಜಿಲ್ಲಾ ನಿರ್ದೇಶಕರಾದ ಶ್ರೀಮತಿ ಜಯಶೀಲ (ಕೊಪ್ಪಳ), ರಾಜಾ ಹುಸೇನ್ ಬನ್ನಿಕೊಪ್ಪ, ಅಖ್ತರ್ ಅಲಿ ಮಕಾಂದಾರ್, ನಾಗರಾಜ್ ದೊಡ್ಮನಿ, ಈರಪ್ಪ ಕಾರಟಗಿ, ಬಸವರಾಜ್ ಕುಕನೂರ ಹಾಗೂ ಕೊಪ್ಪಳ ಶಾಖಾ ಅಧ್ಯಕ್ಷ ಶಿವಪ್ಪ ಗಿಣಿಗೇರಿ, ಉಪಾಧ್ಯಕ್ಷ ಉಪೇಂದ್ರ, ಕಾರ್ಯದರ್ಶಿ ಮಹೆಬೂಬ್ ಮನಿಯಾರ್, ಖಜಾಂಚಿ ರಾಜ್ ಮಹಮ್ಮದ್, ಯಲಬುರ್ಗಾ ಶಾಖಾ ಕಾರ್ಯದರ್ಶಿ ಸುಭಾಷ್ ಜೋಶಿ ಸೇರಿದಂತೆ ಜಿಲ್ಲೆಯ ವಿವಿಧ ಶಾಖೆಗಳ ಅಧ್ಯಕ್ಷರು, ಪದಾಧಿಕಾರಿಗಳು ಹಾಗೂ ಸಿಬ್ಬಂದಿ ವರ್ಗದವರು ಭಾಗವಹಿಸಿದ್ದರು.