ಕರುನಾಡು ಘರ್ಜನೆ ಸುದ್ದಿ ಗದಗ: ಕುರುಡಗಿ ಗ್ರಾಮದ ಹೆಮ್ಮೆಯ ಕಲಾವಿದರಾದ ಶ್ರೀ ದಿನೇಶ್ ಕರಿರಡ್ಡರ್ ಅವರು ಬಾಗಲಕೋಟೆ ನ್ಯಾಯಾಂಗ ಇಲಾಖೆಯಲ್ಲಿ FDA ಆಗಿ ಸೇವೆ ಸಲ್ಲಿಸುತ್ತಿದ್ದು, ನಮ್ಮ ಗ್ರಾಮದ ಆರಾಧ್ಯ ದೈವ ಶ್ರೀ ವರವೀರಭದ್ರೇಶ್ವರ ದೇವರ ಕುರಿತು ಹಲವಾರು ಭಕ್ತಿಗೀತೆಗಳನ್ನು ರಚಿಸಿ, ಸ್ವತಃ ತಮ್ಮ ಸುಮಧುರ ಕಂಠದಿಂದ ಹಾಡಿದ್ದಾರೆ.
ಅವರ ಭಕ್ತಿ, ಸಾಹಿತ್ಯ ಪ್ರತಿಭೆ ಹಾಗೂ ಸುಮಧುರ ಗಾಯನದಿಂದ ಮೂಡಿಬಂದ ಭಕ್ತಿಗೀತೆಗಳು ಗ್ರಾಮಸ್ಥರ ಮನಸೂರೆಗೊಂಡಿವೆ. ಅವರ ಈ ಅಮೂಲ್ಯವಾದ ಕಲಾ ಸೇವೆಯನ್ನು ಗುರುತಿಸಿ, ಕುರುಡಗಿ ಗ್ರಾಮದ ಸಮಸ್ತ ಗ್ರಾಮಸ್ಥರು ಹಾಗೂ ಗೆಳೆಯರ ಬಳಗದ ವತಿಯಿಂದ ಆತ್ಮೀಯವಾಗಿ ಸನ್ಮಾನಿಸಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಮಲ್ಲನಗೌಡ ದೊಡ್ಡ ರುದ್ರಗೌಡರ, ಮುತ್ತಣ್ಣ ಬೆಳಗಟ್ಟಿ, ನ್ಯಾಯಾಧೀಶರಾದ ಶ್ರೀ ವಿಶ್ವನಾಥ್ ಸವಡಿ, ವಕೀಲರಾದ ಶ್ರೀ ಶೌಕತಅಲಿ ನದಾಫ್, ಬಸವರಾಜ ಸವಡಿ,
ಮರಿಯಪ್ಪ ಅಳವಂಡಿ,
TR ಪ್ರಭುರಾಜಗೌಡ ಅಯ್ಯನಗೌಡ್ರ,
ಶರಣಪ್ಪ ಚೋರಗಸ್ತಿ,
ಇಂಜಿನಿಯರ್ ವೀರಣ್ಣ ಸವಡಿ, ಮಹಬೂಬಸಾಬ್ ಚೋಪದರ, ಶಿವನಗೌಡ ಅಯ್ಯಗೌಡರ, ಶಿವಪ್ಪ ಕುರಿ, ಶಿಕ್ಷಕರಾದ ಶರಣಪ್ಪ ಗವಾರಿ, ಶರಣಪ್ಪಗೌಡ ಅಯ್ಯಂಗೌಡ್ರ, ಮಂಜು ಸವಡಿ ಹಾಗೂ ಗಂಗಾಧರ ಅಂಗಡಿ ಸೇರಿದಂತೆ ಗಣ್ಯರು, ಸ್ನೇಹಿತರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.
ಕಾರ್ಯಕ್ರಮದ ನಿರೂಪಣೆಯನ್ನು ಶ್ರೀ ಶೌಕತ್ ನದಾಫ್ ಅವರು ಅಚ್ಚುಕಟ್ಟಾಗಿ ನೆರವೇರಿಸಿ, ಕಾರ್ಯಕ್ರಮಕ್ಕೆ ಮೆರುಗು ತಂದರು. ಶ್ರೀ ದಿನೇಶ್ ಕರಿರಡ್ಡರ್ ಅವರಿಗೆ ಹೃತ್ಪೂರ್ವಕ ಅಭಿನಂದನೆಗಳು ಹಾಗೂ ಹಾರ್ದಿಕ ಶುಭ ಹಾರೈಕೆಗಳು.
