ಕರುನಾಡು ಘರ್ಜನೆ ಸುದ್ದಿ ದಿನಾಂಕ 05.10.2026 ರಂದು ನರೇಗಲ್ ಪಟ್ಟಣದ ಬೀಟ್ ಸಿಬ್ಬಂದಿಯಿಂದ ದೊರೆತ ಖಚಿತ ಮಾಹಿತಿಯ ಮೇರೆಗೆ, ನರೇಗಲ್ ಪಟ್ಟಣದ ಈಶ್ವರ ನಗರದಲ್ಲಿರುವ ಬಸವರಾಜ್ ತಂದೆ ಕಟ್ಟಪ್ಪ ಹರಣಶಿಕಾರಿ ಎಂಬಾತನ ಮನೆಯಲ್ಲಿ ಮಾರಾಟ ಮಾಡುವ ಉದ್ದೇಶದಿಂದ ಗಾಂಜಾ ಸಂಗ್ರಹಿಸಿಟ್ಟಿರುವ ಬಗ್ಗೆ ದಾಳಿ ನಡೆಸಲಾಯಿತು.
ದಾಳಿಯ ಸಂದರ್ಭದಲ್ಲಿ ಆರೋಪಿತನ ಮನೆಯ ದೇವರ ಕೋಣೆಯಲ್ಲಿದ್ದ ಕಟ್ಟೆಯ ಮೇಲೆ ಬ್ರೌನ್ ಬಣ್ಣದ ಟಿಕ್ಸು ಟೇಪ್‌ನಿಂದ ಸುತ್ತಿದ ಪಾಕೆಟ್ ಪತ್ತೆಯಾಗಿದ್ದು, ಪರಿಶೀಲಿಸಿದಾಗ ಅದರಲ್ಲಿ ಒಣಗಿದ ಎಲೆಗಳು ಹಾಗೂ ಬೀಜಗಳಿರುವ ಗಾಂಜಾ ಪತ್ತೆಯಾಯಿತು.
ಜಪ್ತಿ ಮಾಡಿದ ಗಾಂಜಾದ ಒಟ್ಟು ತೂಕ 2.091 ಕೆ.ಜಿ. ಆಗಿದ್ದು, ಅಂದಾಜು ₹1,04,550/- ಮೌಲ್ಯ ಹೊಂದಿದೆ.
ಆರೋಪಿತನ ವಿಚಾರಣೆಯಲ್ಲಿ ಗಾಂಜಾವನ್ನು ಮಹಾರಾಷ್ಟ್ರದಿಂದ ತಂದು ಸಂಗ್ರಹಿಸಿ ಮಾರಾಟ ಮಾಡುತ್ತಿದ್ದ ಬಗ್ಗೆ ಮಾಹಿತಿ ನೀಡಿದ್ದಾನೆ.
ಈ ಕುರಿತು ನರೇಗಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಾಗಿದೆ.
ಗಮನಾರ್ಹವಾಗಿ, ಇದೇ ಆರೋಪಿತನು ಈ ಹಿಂದೆ ನರೇಗಲ್ ಪೊಲೀಸ್ ಠಾಣೆ ಗುನ್ನೆ ನಂ.55/2026ರ ಪ್ರಕರಣದಲ್ಲಿ ಆರೋಪಿಯಾಗಿದ್ದು, ಆ ಪ್ರಕರಣದಲ್ಲಿ ಆತನಿಂದ 331 ಗ್ರಾಂ ಗಾಂಜಾ, ಅಂದಾಜು ₹33,100/- ಮೌಲ್ಯದ, ವಶಪಡಿಸಿಕೊಳ್ಳಲಾಗಿತ್ತು.
