ಕರುನಾಡು ಘರ್ಜನೆ ಸುದ್ದಿ ಗದಗ-೨೫ : ಗದಗ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತ ಹೊಂದಿದ ನೌಕರರನ್ನು ಗುತ್ತಿಗೆ ಆಧಾರದ ಮೇಲೆ ಅನಧಿಕೃತವಾಗಿ ಸರಕಾರದ ಯಾವುದೇ ಆದೇಶ ಪಡೆಯದೇ ಕಾನೂನು ಬಾಹಿರವಾಗಿ ಕೆಲಸ ಮಾಡಿಸಿಕೊಳ್ಳುತ್ದಾರೆ . ಈಗಾಗಲೇ ಸರಕಾರದಿಂದ ಆದೇಶ ಬಂದು ೨-೩ ತಿಂಗಳು ಕಳೆದರೂ ಜಿಮ್ಸ್ನ ನಿರ್ದೇಶಕರು ಇಂದಿನವರೆಗೂ ಅವರನ್ನು ಸೇವೆಯಿಂದ ಬಿಡುಗಡೆಗೊಳಿಸಿರುವುದಿಲ್ಲ. ಗದಗ ಜಿಮ್ಸ್ ನಿರ್ದೇಶಕರಿಗೆ ಮಾಹಿತಿ ಹಕ್ಕಿನಲ್ಲಿ ನಿವೃತ್ತ ನೌಕರರ ವಿಷಯವಾಗಿ ಕುರಿತು ವಿಚಾರಿಸಿದಾಗ ನಿವೃತ್ತ ನೌಕರರನ್ನು ದಿನಾಂಕ ೩೧-೫-೨೦೨೪ ರಂದು ಬಿಡುಗಡೆಗೊಳಿಸಿವೆ ಎಂದು ಉತ್ತರ ನೀಡಿದ್ದಾರೆ ಮತ್ತು ಲೋಕಾಯುಕ್ತರು ಭೇಟಿ ನೀಡಿದ ಸಮಯದಲ್ಲಿ ನಮಗೆ ನೀಡಿದ ಉತ್ತರವನ್ನೇ ಅವರಿಗೂ ಸಹ ನೀಡಿದ್ದಾರೆ.
ಮಾಹಿತಿ ಹಕ್ಕು ಅಧಿನಿಯಮದಡಿ ಅರ್ಜಿ ಸಲ್ಲಿಸಿದಾಗ ನಿಗದಿತ ಸಮಯದೊಳಗೆ ಮಾಹಿತಿ ನೀಡಲಿಲ್ಲ, ಮತ್ತೇ ನಾವು ದಿನಾಂಕ ೨-೪-೨೦೨೪ ರಂದು ಪ್ರಥಮ ಮೇಲ್ಮನವಿ ಸಲ್ಲಿಸಿದಾಗ ದಿನಾಂಕ ೧೪-೬-೨೦೨೪ ರಂದು ಜಿಲ್ಲಾ ಲೋಕಾಯುಕ್ತರ ಪ್ರವಾಸ ಇರುವುದರಿಂದ ಪ್ರಥಮ ಮೇಲ್ಮನವಿಗೆ ಉತ್ತರವನ್ನು ನೀಡಿದ್ದಾರೆ . ಸದರಿಯವರನ್ನು ಸಂಸ್ಥೆಯ ಸೇವೆಯಿಂದ ಬಿಡುಗಡೆಗೊಳಿಸಲಾಗಿರುತ್ತದೆ ಎಂದು ಅಧಿಕೃತವಾಗಿ ಪತ್ರವ್ಯವಹಾರ ಮಾಡಿ ಸುಳ್ಳನ್ನು ಹೇಳಿರುತ್ತಾರೆ.
ಇಲ್ಲಿ ಗಮನಿಸಬೇಕಾದ ಅಂಶವೇನೆದರೆ ಇಂದಿನವರೆಗೂ ನಿವೃತ್ತ ನೌಕರರು ಜಿಮ್ಸ್ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ತಾವು ಖುದ್ದಾಗಿ ಈ ವಿಷಯದ ಬಗ್ಗೆ ಒಂದು ವಿಶೇಷ ತಂಡ ರಚಿಸಿ ಸಿ.ಸಿ.ಟಿವಿ ಫುಟೇಜ್, ಹಾಜರಾತಿ ಪುಸ್ತಕ, ಬಯೋಮೆಟ್ರಿಕ್ ಹಾಗೂ ಅವರಿಗೆ ಹೆಚ್ಚಿನ ವೇತನವನ್ನು ನೀಡಿ ಸಂಸ್ಥೆಗೆ ಆರ್ಥಿಕವಾಗಿ ನಷ್ಟವನ್ನುಂಟು ಮಾಡುತ್ತಿದ್ದುದನ್ನು ಪರಿಶೀಲಿಸಿ ಕರ್ತವ್ಯಲೋಪವೆಸಗಿದ ಜಿಮ್ಸ್ ನಿರ್ದೇಶಕರ ಮೇಲೆ ಸೂಕ್ತ ಕಾನೂನು ಕ್ರಮ ತೆಗೆದುಕೊಳ್ಳಬೇಕೆಂದು ಜನಸ್ಪಂದ ಕಾರ್ಯಕ್ರಮದಲ್ಲಿ ಮಾನ್ಯ ಜಿಲ್ಲಾಧಿಕಾರಿಗಳು ಡಾ. ಬಿ. ಆರ್. ಅಂಬೇಡ್ಕರ್ ದಲಿತ ಸಂಘರ್ಷ ಸಮಿತಿಯ ಅಧ್ಯಕ್ಷರು ಶಿವಾನಂದ ತಮ್ಮಣ್ಣವರ ಮನವಿ ಮಾಡಿಕೊಂಡರು.
