ಕರುನಾಡು ಘರ್ಜನೆ ಸುದ್ದಿ ಗದಗ ೧೪: ಸ್ವಾತಂತ್ರ್ಯಕ್ಕಾಗಿ ತನ್ನ ಜೀವನವನ್ನು ಬಲಿದಾನ ಮಾಡಿದ ಸ್ವಾತಂತ್ರ್ಯ ಹೋರಾಟಗಾರ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣನ ನೆನಪಿಗಾಗಿ ನಗರದ ೩೪ನೇ ವಾರ್ಡಿನಲ್ಲಿ ಒಂದು ಉದ್ಯಾನವನವಿದ್ದು, ಅಲ್ಲಿರುವ ರಾಯಣ್ಣನ ನಾಮಫಲಕವನ್ನು ಕೆಲವು ಕಿಡಿಗೇಡಿಗಳು ಭಗ್ನಗೊಳಿಸಿದ್ದಾರೆ. ಮತ್ತು ತಂತಿ ಬೇಲಿಯನ್ನು ಕಿತ್ತಿ ಹಾಕಿದ್ದಾರೆ. ಉದ್ಯಾನವನ್ನು ಅತಿಕ್ರಮಣ ಮಾಡಿದ್ದಾರೆ. ಉದ್ಯಾನವನ ಈಗ ಕಸ ಚೆಲ್ಲುವ ಮತ್ತು ಹಂದಿಗಳ ತಾಣವಾಗಿ ಮಾರ್ಪಟ್ಟಿದೆ. ಗದಗ-ಬೆಟಗೇರಿ ನಗರಸಭೆಯ ಅಧಿಕಾರಿಗಳಿಗೆ ಹಲವಾರು ಬಾರಿ ಮನವಿ ಮಾಡಿಕೊಂಡರು. ಇತ್ತ ತಿರುಗಿ ನೋಡಿಲ್ಲ. ಸ್ವಾತಂತ್ರ್ಯ ಹೋರಾಟಗಾರನ ಹೆಸರಿನ ಉದ್ಯಾನವನವನ್ನು ನಿರ್ಲಕ್ಷ್ಯ ಧೋರಣೆ ತೋರಿದ್ದಾರೆ. ಸಂಬಂಧಪಟ್ಟ ಅಧಿಕಾರಿಗಳು ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣನವರ ಜನ್ಮದಿನ ಅಗಸ್ಟ್ ೧೫ ಇದ್ದು, ಅಗಸ್ಟ್ ೧೫ ನಮಗೆ ಎಷ್ಟು ಪ್ರಮುಖ ದಿನ ಅಂತಹ ದಿನದಂದು ಜನಿಸಿದ ಸ್ವಾತಂತ್ರ್ಯಕ್ಕಾಗಿ ಹೋರಾಟಗಾರ ಸಂಗೊಳ್ಳಿ ರಾಯಣ್ಣನನವರ ಹೆಸರಿನ ಉದ್ಯಾನವನ್ನು ಇನ್ನಾದರೂ ಅಭಿವೃದ್ಸ್ಧಿಗೊಳಿಸಿ ತಂತ್ರ್ಯಕ್ಕಾಗಿ ಹೋರಾಟ ಗೌರವಿಸಿ ಜನತೆಯ ಪ್ರೀತಿಗೆ ಪಾತ್ರರಾಗಿ ಎಂದು ಜನತೆ ಮನವಿ ಮಾಡಿದ್ದಾರೆ.
ಗದಗ ನಗರದ ಹೊಸ ಬಡಾವಣೆಯಲ್ಲಿ ಹಲವಾರು ಉದ್ಯಾನವನಗಳನ್ನು ಅಭಿವೃದ್ಧಿ ಮಾಡಿದ್ದಾರೆ. ಮತ್ತು ಅಲ್ಲಿ ಮಕ್ಕಳಿಗೆ ವಿವಿಧ ಆಟಿಕೆ, ಮನರಂಜನೆಯ ಸಾಮಗ್ರಿಗಳನ್ನು ಅಳವಡಿಸಿ ಜನರಿಗೆ, ಮಕ್ಕಳಿಗೆ, ವಾಯುವಿಹಾರಿಗಳಿಗೆ ಅನುಕೂಲ ಮಾಡಿಕೊಟ್ಟಿದ್ದಾರೆ. ವಾರ್ಡ ನಂ. ೩೪ ಜನರು ನಾವೇನು ಪಾಪ ಮಾಡಿದ್ದೇವೆ ಒಂದು ಕಣ್ಣಿಗೆ ಬೆಣ್ಣೆ ಇನ್ನೊಂದು ಕಣ್ಣಿಗೆ ಸುಣ್ಣ ಏಕೆ ಮಾಡುತ್ತಿರುವಿರಿ?
ನಗರದ ಮಧ್ಯಭಾಗದಲ್ಲಿರುವ ಸಂಗೊಳ್ಳಿ ರಾಯಣ್ಣನವರ ಹೆಸರಿನಲ್ಲಿರುವ ಉದ್ಯಾನವನ್ನು ಅಭಿವೃದ್ಧಿಗೊಳಿಸಿ ಸ್ವಾತಂತ್ರ್ಯ ಹೋರಾಟಗಾರನಿಗೆ ಗೌರವ ನೀಡಿ ಸದರಿ ಉದ್ಯಾನವನ್ನು ಅಭಿವೃದ್ಧಿ ಸಾರ್ವಜನಿಕರಿಗೆ ಅನುಕೂಲ ಮಾಡಿಕೊಡಬೇಕು ಎಂದು ವಾರ್ಡ ನಂ. ೩೪, ವಯೋವೃದ್ಧರು, ಮಹಿಳೆಯರ, ಮಕ್ಕಳು ಉದ್ಯಾನವನವನ್ನು ಎಂದು ಅಭಿವೃದ್ದಿ ಮಾಡುತ್ತಾರೆ ಎಂದು ಕಾತುರದಿಂದ ಕಾಯುತ್ತಿದ್ದಾರೆ. ಜಿಲ್ಲಾ ಉಸ್ತುವಾರಿ ಸಚಿವರು ದಯವಿಟ್ಟು ಈ ಉದ್ಯಾನವನದ ಬಗ್ಗೆ ಗಮನಹರಿಸಿ ಸಂಬಂಧಪಟ್ಟ ಅಧಿಕಾರಿಗಳಿಗೆ ಉದ್ಯಾನವನ ಅಭಿವೃದ್ಧಿಗೆ ಕುರಿತು ಆದೇಶ ಮಾಡಬೇಕೆಂದು ವಾರ್ಡ ನಂ. ೩೪ ರ ನಿವಾಸಿಗಳು ಕೇಳಿಕೊಂಡಿದ್ದಾರೆ.
