ಕರುನಾಡು ಘರ್ಜನೆ ಸುದ್ದಿ : ಕರ್ನಾಟಕ ರಾಜ್ಯ ಶಾಲಾ ಶಿಕ್ಷಣ ಇಲಾಖೆ ನೌಕರರ ಸಂಘ(ರಿ) ಗದಗ ಶಹರ ತಾಲೂಕ ವತಿಯಿಂದ ಎಸ್ ಎಸ್ ಎಲ್ ಸಿ ವಿದ್ಯಾರ್ಥಿಗಳಿಗೆ ಪರೀಕ್ಷಾ ಬೋರ್ಡ ಮತ್ತು ಪೆನ್ನುಗಳ ವಿತರಣೆ ಮಾಡಿ ಶುಭ ಹಾರೈಕೆಗಳನ್ನು ತಿಳಿಸಲಾಯಿತು.
ಈ ಸಂದರ್ಭದಲ್ಲಿ ಎಸ್ ಎಂ ಕೃಷ್ಣ ನಗರದ ಸರ್ಕಾರಿ ಪ್ರೌಢಶಾಲೆಯಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮಾತನಾಡಿದ ಗದಗ ತಾಲೂಕ ಅಧ್ಯಕ್ಷರಾದ
ಶ್ರೀ ಎಂ ಎ ಯರಗುಡಿ ಅವರು 2024-25 ನೇಯ ಸಾಲಿನ ಎಸ್ ಎಸ್ ಎಲ್ ಸಿ ವಾರ್ಷಿಕ ಪರೀಕ್ಷೆ ಬರೆಯುತ್ತಿರುವ
ವಿದ್ಯಾರ್ಥಿಗಳು ವರ್ಷಪೂರ್ತಿ ಸಾಕಷ್ಟು ಅಧ್ಯಯನ ಮಾಡಿ ಆತ್ಮವಿಶ್ವಾಸದಿಂದ ಪರೀಕ್ಷೆ ಬರೆಯುತ್ತಿರುವ ತಮ್ಮಲ್ಲಿ ಆತ್ಮವಿಶ್ವಾಸವಿರಬೇಕು. ನಿಮ್ಮ ಒಳ್ಳೆಯ ಪ್ರಯತ್ನದಿಂದ ಖಂಡಿತ ಯಶಸ್ಸು ಸಿಗುತ್ತದೆ. ಎಂದು ಶುಭ ಹಾರೈಸುತ್ತ ಈ ಸಂದರ್ಭದಲ್ಲಿ ತಮಗೆ ಅನುಕೂಲವಾಗಲು ಪರೀಕ್ಷೆ ಬರೆಯುವ ಬೋರ್ಡು ಹಾಗೂ ಎರಡು ಪೆನ್ನುಗಳನ್ನು ನೀಡಿ ಶುಭ ಕೋರಲಾಗುತ್ತಿದೆ ಎಂದು ಹೇಳಿದರು. 
ಈ ಸಂದರ್ಭದಲ್ಲಿ ಕರ್ನಾಟಕ ರಾಜ್ಯ ಶಾಲಾ ಶಿಕ್ಷಣ ಇಲಾಖೆ ನೌಕರರ ಸಂಘದ ಜಿಲ್ಲಾ ಅಧ್ಯಕ್ಷರಾದ ಡಾ. ಎಸ್ ಎಂ ಮಠ ನಮ್ಮ ಸಂಘವು ಕಳೆದ ಮೂರ್ನಾಲ್ಕು ತಿಂಗಳ ಹಿಂದೆ ರಚನೆಯಾಗಿದ್ದು ಶಿಕ್ಷಕರ ಬೇಕು ಬೇಡಿಕೆಗಳೊಂದಿಗೆ ವಿದ್ಯಾರ್ಥಿಗಳ ಸರ್ವತೋಮುಖ ಬೆಳವಣಿಗೆಗೆ ಕೈಜೋಡಿಸುವ ಮೂಲಕ ರಚನಾತ್ಮಕ ಚಟುವಟಿಕೆಗಳನ್ನು ಹಮ್ಮಿಕೊಳ್ಳುವ ಉದ್ದೇಶವಿಟ್ಟುಕೊಂಡಿದೆ ಎಂದರು.
ಜಿಲ್ಲಾ ಘಟಕದ ಗೌರವಾಧ್ಯಕ್ಷರಾದ ಶಾಂತಕುಮಾರ ಭಜಂತ್ರಿ ಅವರು ಮಾತನಾಡುತ್ತಾ ವಿದ್ಯಾರ್ಥಿಗಳು
ಧೈರ್ಯದಿಂದ ಯಾವುದೇ ಸಂಕಷ್ಟ ಮತ್ತು ಅಡೆತಡೆಗಳಿಲ್ಲದೆ ಓದಿರುವ ಎಲ್ಲಾ ವಿಷಯ ಪರೀಕ್ಷಾ ಸಮಯದಲ್ಲಿ ಸ್ಮರಿಸಿಕೊಂಡು , ಆರೋಗ್ಯ ಸಂರಕ್ಷಣೆಯೊಂದಿಗೆ ಪರೀಕ್ಷೆಯನ್ನು ಉತ್ತಮ ರೀತಿಯಲ್ಲಿ ಎದುರಿಸಲು ದೃಢಸಂಕಲ್ಪ ಮಾಡಿ ಆತ್ಮವಿಶ್ವಾಸದಿಂದ ಪರೀಕ್ಷೆಯನ್ನು ಬರೆಯಲು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.
ಈ ಸಂದರ್ಭದಲ್ಲಿ ಶಾಲೆಯ ಎಲ್ಲ ಎಸ್ ಎಸ್ ಎಲ್ ಸಿ ಪರೀಕ್ಷೆ ಬರೆಯುತ್ತಿರುವ ವಿದ್ಯಾರ್ಥಿ/ನಿಯರಿಗೆ ಪರೀಕ್ಷೆ ಬರೆಯುವ ಬೋರ್ಡ ಹಾಗೂ ಎರಡು ಪೆನ್ನು ನೀಡಿ ಶುಭಕೋರಲಾಯಿತು
ಗದಗ ಜಿಲ್ಲಾ ಘಟಕ ಖಜಾಂಚಿಗಳಾದ ಪುಷ್ಪಾವತಿ ಬಿಸನಳ್ಳಿ, ಉಪಾಧ್ಯಕ್ಷರಾದ ಮಂಜುನಾಥ ಹುಯಿಲಗೋಳ ಶಾಲೆಯ ಶಿಕ್ಷಕರಾದ ವಿ ಎಸ್ ಪಾಟೀಲ, ಶೆಟ್ಟರ, ಗೌಡರ, ಕಿತ್ತೂರ ಅವರು ಹಾಜರಿದ್ದರು.
ಅಧ್ಯಕ್ಷರು ಹಾಗೂ ಪದಾಧಿಕಾರಿಗಳು KSSEDEA ಗದಗ ಶಹರ ತಾಲೂಕಾ ಘಟಕ
