ಕರುನಾಡು ಘರ್ಜನೆ ಸುದ್ದಿ :ಕೊಲ್ಕತ್ತಾ : ಪಶ್ಚಿಮ ಬಂಗಾಳದ ನಾರ್ತ್ 24 ಪರಗಣ ಜಿಲ್ಲೆಯ ರೈಲು ನಿಲ್ದಾಣ ಪಕ್ಕದ ಸಾರ್ವಜನಿಕ ಶೌಚಾಲಯದಲ್ಲಿ ಪಾಕಿಸ್ತಾನದ ರಾಷ್ಟ್ರಧ್ವಜವನ್ನು ಇಡುವ ಮೂಲಕ ಕೋಮು ಸಂಘರ್ಷಕ್ಕೆ ಪ್ರಚೋದನೆ ನೀಡಿದ ಆರೋಪದಲ್ಲಿ ಇಬ್ಬರನ್ನು ಬೋನಗ್ಗಾoವ ಪೊಲೀಸರು ಬಂಧಿಸಿದ್ದಾರೆ . ಬಂಧಿತ ಆರೋಪಿಗಳನ್ನು ಚಂದನ್ ಮಲಾಕರ್ ( 30 ) ಮತ್ತು ಪ್ರಜ್ಞಾಜೀತ ಮಂಡಲ್ ( 45 ) ಎಂದು ಗುರುತಿಸಲಾಗಿದೆ . ಗೋಪಾಲಪುರ ಠಾಣೆ ವ್ಯಾಪ್ತಿಯ ಅಕೈಪುರ ನಿಲ್ದಾಣದ ಬಳಿ ಬುಧವಾರ ಈ ಧ್ವಜ ಪತ್ತೆಯಾಗಿದೆ ಎಂದು ವರದಿಯಾಗಿದೆ.
ಅರಾಜಕತೆಯನ್ನು ಪ್ರಚೋದಿಸುವ ಉದ್ದೇಶದಿಂದ ” ಹಿಂದೂಸ್ತಾನ ಮುರ್ದಾಬಾದ್ ” ಮತ್ತು ” ಪಾಕಿಸ್ತಾನ ಜಿಂದಾಬಾದ್ ‘ ಎಂದು ಗೋಡೆಯ ಮೇಲೆ ಬರೆಯಲು ಕೂಡಾ ಆರೋಪಿಗಳು ಪ್ರಯತ್ನಿಸಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ . ಆರೋಪಿಗಳಿಬ್ಬರೂ ಸ್ಥಳೀಯರಾಗಿದ್ದು , ಸನಾತನಿ ಏಕತಾ ಮಂಚ್ ಮತ್ತು ಒಂದು ರಾಜಕೀಯ ಪಕ್ಷದ ಸದಸ್ಯರೆಂದು ಪೊಲೀಸರು ತಿಳಿಸಿದ್ದಾರೆ.
