ಕರುನಾಡು ಘರ್ಜನೆ ಸುದ್ದಿ : ಅಖಿಲ ಭಾರತ ಗಾಣಿಗ ವಿದ್ಯಾ ಹಾಗೂ ಉದ್ಯೋಗವರ್ಧಕ ಟ್ರಸ್ಟ್ ವತಿಯಿಂದ ಪ್ರತಿಭಾ ಪುರಸ್ಕಾರ, ನಿವೃತ್ತ ನೌಕರರಿಗೆ ಸನ್ಮಾನ, ಉಚಿತ ಆರೋಗ್ಯ ತಪಾಸಣಾ ಶಿಬಿರ ಹಾಗೂ ವಾರ್ಷಿಕ ಸಭೆ ಜೂನ್ 15ರಂದು ನಗರದ ಗಾಣಿಗ ಸಮುದಾಯ ಭವನದಲ್ಲಿ ಬೆಳಿಗ್ಗೆ 9ರಿಂದ ಸಂಜೆ 5ರವರೆಗೆ
ನಡೆಯಲಿದೆ’ ಎಂದು ಗದಗ ಜಿಲ್ಲಾ ಗಾಣಿಗ ಸಮಾಜದ ಅಧ್ಯಕ್ಷ ಬಸವರಾಜ ಬಿಂಗಿ ತಿಳಿಸಿದರು.
ನಗರದ ಪತ್ರಿಕಾ ಭವನದಲ್ಲಿ ಬುಧವಾರ ಕರೆದಿದ್ದ ಸುದ್ದಿಗೋಷ್ಠಿಯಲ್ಲಿ ಅವರು ಈ ವಿಷಚಿiÀÄ ತಿಳಿಸಿದರು. ‘ಹಾಸನ ಜಿಲ್ಲೆ ಬೇಲೂರಿನ ಮಹಾಂತ ಬಸವಲಿಂಗ
ಸ್ವಾಮೀಜಿ ಸಾನ್ನಿಧ್ಯ ವಹಿಸಲಿದ್ದು, ಲೇಖಕಿ ಹಾಗೂ ಹೃದ್ರೋಗ ತಜ್ಞೆ ಡಾ. ವಿಜಯಲಕ್ಷ್ಮೀ ಬಾಳೆಕುಂದ್ರಿ ಕಾರ್ಯಕ್ರಮ ಉದ್ಘಾಟಿಸುವರು’.
‘2024-25ನೇ ಸಾಲಿನ ಎಸ್‌ಎಸ್‌ಎಲ್‌ಸಿ ಮತ್ತು ಪಿಯುಸಿ ಪರೀಕ್ಷೆಯಲ್ಲಿ ಶೇ 85ಕ್ಕಿಂತ ಅಧಿಕ ಅಂಕ ಪಡೆದ ಗಾಣಿಗ ಸಮಾಜದ 100ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಪ್ರತಿಭಾ
ಪುರಸ್ಕಾರ ನೀಡಲಾಗುವುದು. ಬಂದ ಅರ್ಜಿಗಳ ಪೈಕಿ 
ಹೆಚ್ಚು ಅಂಕಗಳಿಸಿ ಮೊದಲ ಮೂರು ಸ್ಥಾನ ಪಡೆದ ವಿದ್ಯಾರ್ಥಿಗಳಿಗೆ ಕ್ರಮವಾಗಿ 5 ಸಾವಿರ, ರೂ., 2,500 ರೂ. ಹಾಗೂ 1 ಸಾವಿರ ರೂ. ನಗದು ಬಹುಮಾನ ನೀಡಲಾಗುವುದು. ಉಳಿದಂತೆ ಎಲ್ಲ ವಿದ್ಯಾರ್ಥಿಗಳಿಗೆ ಶಾಲಾ ಬ್ಯಾಗ್, ಪ್ರಶಸ್ತಿಪತ್ರ ನೀಡಿ ಗೌರವಿಸಲಾಗುವುದು.
ಇದರ ಜೊತೆಗೆ ಕಳೆದ ಒಚಿದು ವರ್ಷದ ಅವಧಿಯಲ್ಲಿ
ಸರ್ಕಾರಿ ಸೇವೆಯಿಂದ ನಿವೃತ್ತರಾದ ಗಾಣಿಗ ಸಮಾಜದ ನೌಕರರನ್ನು ಸಹ ಸನ್ಮಾನಿಸಲಾಗುವುದು’ ಎಂದರು.
ಕಾರ್ಯಕ್ರಮದ ಬಳಿಕ ಕೊನೆಯಲ್ಲಿ ಅಖಿಲ ಭಾರತ ಗಾಣಿಗ ವಿದ್ಯಾ ಹಾಗೂ ಉದ್ಯೋಗವರ್ಧಕ ಟ್ರಸ್ಟ್ನ ವಾರ್ಷಿಕ ಸಭೆ ಸಹ ನಡೆಯಲಿದೆ ಎಂದು ಬಸವರಾಜ ಬಿಮಗಿ ಅವರು ತಿಳಿಸಿದರು.
ಸಾರ್ವಜನಿಕರಿಗಾಗಿ ಉಚಿತ ಆರೋಗ್ಯ ತಪಾಸಣಾ ಶಿಬಿರ: ಗದಗ: ಅಖಿಲ ಭಾರತ ಗಾಣಿಗ ವಿದ್ಯಾ ಹಾಗೂ ಉದ್ಯೋಗವರ್ಧಕ ಟ್ರಸ್ಟ್ ವತಿಯಿಂದ ಪ್ರತಿಭಾ ಪುರಸ್ಕಾರ, ನಿವೃತ್ತ ನೌಕರರಿಗೆ ಸನ್ಮಾನ ಜೊತೆಗೆ ಈ ಬಾರಿ ಉಚಿತ
ಆರೋಗ್ಯ ತಪಾಸಣಾ ಶಿಬಿರ ಆಯೋಜಿಸಲಾಗಿದ್ದು, ಇದು ಸಾರ್ವಜನಿಕರಿಗೆ ಮುಕ್ತವಾಗಿರಲಿದೆ. ಶಿಬಿರದಲ್ಲಿ ಕಣ್ಣು, ಹೃದಯ, ಚರ್ಮ, ದಂತ ವೈದ್ಯರು ಸೇರಿದಂತೆ ಆಯುರ್ವೇದ ವೈದ್ಯರು ಕೂಡ ಭಾಗವಹಿಸುವರು. ತಪಾಸಣೆ ವೇಳೆ ಕಣ್ಣು ಮತ್ತು ಹೃದಯಕ್ಕೆ ಸಂಬAಧಿಸಿದAತೆ
ವೈದ್ಯರು ಶಸ್ತ್ರ ಚಿಕಿತ್ಸೆಗೆ ಸೂಚಿಸಿದರೆ ಎಚ್.ಕೆ.ಪಾಟೀಲ ಅಭಿಮಾನಿ ಬಳಗದಿಂದ ಅವರಿಗೆ ಉಚಿತವಾಗಿ ಚಿಕಿತ್ಸೆ ಕೊಡಿಸುವ ವ್ಯವಸ್ಥೆ ಮಾಡಲಾಗುವುದು’. ಶಿಬಿರದಲ್ಲಿ ಡಾ.ಸಂಗಮೇಶ ಅಸೂಟಿ, ಡಾ.ವೇಮನ ಸಾಹುಕಾರ, ಡಾ.ಜಯಕುಮಾರ ಬ್ಯಾಳಿ ಸೇರಿ ಹಲವರು ಭಾಗವಹಿಸುವರು ಎಂದು ಬಸವರಾಜ ಬಿಂಗಿ ಹೇಳಿದರು.
ಸುದ್ದಿಗೋಷ್ಠಿಯಲ್ಲಿ ಸಮಾಜದ ಮುಖಂಡರಾದ ಷಣ್ಮುಖಪ್ಪ ಬಡ್ನಿ, ಅಶೋಕ ಮಂದಾಲಿ, ರಮೇಶ ಮಂದಾಲಿ, ಐ.ಎಂ.ಕಿರೇಸೂರ, ಮುರುಗೇಶ ಬಡ್ನಿ, ಸೋಮನಗೌಡ ಪಾಟೀಲ, ಬಸನಗೌಡ ಹನುಮಂತಗೌಡ, ಎಸ್.ವಿ. ಪವಾಡಿಗೌಡರ, ಸುರೇಶ ಮರಳಪ್ಪನವರ, ಬಿ.ಎಸ್. ವಡವಟ್ಟಿ, ಶ್ರೀಕಾಂತ ಲಕ್ಕುಂಡಿ ಸೇರಿ ಹಲವರು ಇದ್ದರು.
