ಕರುನಾಡು ಘರ್ಜನೆ ಸುದ್ದಿ : ದಿನಾಂಕ : 10-10-2025 ರಂದು ಗದಗ – ಬೆಟಗೇರಿ ಅವಳಿ ನಗರದಲ್ಲಿ ಸಂಚರಿಸುವ ದೋಷಪೂರಿತ ಕರ್ಕಶ ಶಬ್ದ ಉಂಟುಮಾಡುವ ದ್ವಿ ಚಕ್ರ ವಾಹನಗಳ ಮೇಲೆ ವಿಶೇಷ ಕಾರ್ಯಾಚರಣೆ ಕೈಗೊಂಡು ಭಾರತೀಯ ಮೋಟಾರ ವಾಹನ ಕಾಯ್ದೆಗಳನ್ನು ಉಲ್ಲಂಘ ಮಾಡಿ ಸಂಚರಿಸುವ ವಾಹನಗಳನ್ನು ತಪಾಸಣೆ ಮಾಡಲಾಗಿ , ದೋಷಪೂರಿತ ಹೊಗೆ ಬಿಡುವ ದ್ವಿ ಚಕ್ರ ವಾಹನಗಳ ಮೇಲೆ ವಿಶೇಷ
ಕಾರ್ಯಾಚರಣೆ ಮಾಡಿ ಸಂಚರಿಸಿದ ಒಟ್ಟು 104 ದ್ವಿ ಚಕ್ರ ವಾಹನಗಳನ್ನು ತಡೆ ಹಿಡಿದಿದ್ದು ಪರೀಶೀಲನೆ ಮಾಡಿ , ಒಟ್ಟು 104 ದ್ವಿ ಚಕ್ರ ವಾಹನಗಳಿಗೆ ಅಳವಡಿಸಿದ ದೋಷಪೂರಿತ ಕರ್ಕಶ ಶಬ್ದ ಉಂಟುಮಾಡುವ ನಿಷ್ಕ್ರಿಯಗೊಳಿಸಿ ಸದರ ವಾಹನ ಸವಾರರ ಮೇಲೆ ಕಾನೂನು ರೀತಿಯಲ್ಲಿ ಕ್ರಮ ಕೈಕೊಂಡು ಮುಂದೆ ದ್ವಿ ಚಕ್ರ ವಾಹನ ಸವಾರರು ತಮ್ಮ ದೋಷಪೂರಿತ ಕರ್ಕಶ ಶಬ್ದ ಉಂಟುಮಾಡುವ ಸೈಲೆನ್ಸರಗಳನ್ನು ಅಳವಡಿಸಿದ್ದು ಕಂಡು ಬಂದಲ್ಲಿ ಅಂತವರ ಮೇಲೆ ನಿರ್ದಾಕ್ಷಿಣ್ಯವಾಗಿ ಕ್ರಮ ಕೈಕೊಳ್ಳುತ್ತೇನೆ ಅಂತಾ ತಿಳಸಲಾಗಿರುತ್ತದೆ.
ಈ ಕಾರ್ಯಾಚರಣೆಯಲ್ಲಿ ಮಾನ್ಯ ಶ್ರೀ ರೋಹನ್ ಜಗದೀಶ , ಐಪಿಎಸ್ ಪೊಲೀಸ್ ಅಧೀಕ್ಷಕರು , ಗದಗ ಜಿಲ್ಲೆ ಗದಗ , ಮಾನ್ಯ ಶ್ರೀ ಮುರ್ತುಜಾ ಖಾದ್ರಿ ಡಿ.ಎಸ್.ಪಿ ಗದಗ ಉಪವಿಭಾಗ ಗದಗರವರ ನೇತೃತ್ವದಲ್ಲಿ , ಶ್ರೀ ಧೀರಜ್ ಶಿಂಧೆ ಸಿಪಿಐ ಬೆಟಗೇರಿ ರವರ ಮಾರ್ಗದರ್ಶನದಲ್ಲಿ , ಶ್ರೀ ಕಿರಣಕುಮಾರ ಪಿ ಎಸ್ ಐ ಹಾಗೂ ಶ್ರೀಮತಿ ಬಿ ಎಸ್ ತಳವಾರ ಪಿ ಎಸ್ ಐ ಗದಗ ಸಂಚಾರ ಪೊಲೀಸ್ ಠಾಣೆ ಹಾಗೂ ಸಂಚಾರ ಠಾಣೆಯ ಅಧಿಕಾರಿ ಮತ್ತು ಸಿಬ್ಬಂದಿ ವರ್ಗದವರು ಸೇರಿ ಕಾರ್ಯನಿರ್ವಹಿಸಿದರು. 
