ಕರುನಾಡು ಘರ್ಜನೆ ಸುದ್ದಿ ಗದಗ 20: ಅವಳಿ ನಗರವಾದ ಗದಗ ಬೆಟಗೇರಿ ನಗರಸಭೆಯ 24ನೇ ವಾರ್ಡಿನ ನಾಗರಿಕರಿಗಾಗಿ ಎಚ್ ಕೆ ಪಾಟೀಲ್ ಸೇವಾ ತಂಡ ಗದಗ ಹಾಗೂ ಹುಲಕೋಟಿಯ ಕೆ ಎಚ್ ಪಾಟೀಲ್ ಆಸ್ಪತ್ರೆ ಹಾಗೂ ಸಂಶೋಧನಾ ಕೇಂದ್ರದ ಸಂಯುಕ್ತಾಶ್ರಯದಲ್ಲಿ ಇತ್ತೀಚಿಗಷ್ಟೇ ಬಡಾವಣೆಯ ನಾಗರಿಕರಿಗಾಗಿ ಉಚಿತ ನೇತ್ರ ತಪಾಸಣಾ ಶಿಬಿರವನ್ನು ಹಮ್ಮಿಕೊಳ್ಳಲಾಗಿತ್ತು.
ಕಣ್ಣಿನ ತಪಾಸಣಾ ಶಿಬಿರದಲ್ಲಿ ಪ್ರಮುಖವಾಗಿ ಕಣ್ಣಿನ ಲೆನ್ಸ್ ಹಾಗೂ ಪೊರೆ ಶಸ್ತ್ರಚಿಕಿತ್ಸೆಗಾಗಿ ಅನುಮೋದನೆಗೊಂಡ ಬಡಾವಣೆಯ ನಾಗರಿಕರಾದ ಪಾರ್ವತೆವ್ವಾ ಲಕ್ಷಮೇಶ್ವರ್, ರವೀಂದ್ರಸಾ, ಬಸವರಾಜ ಇರಕಲ್, ಪರವೀನಬಾನು ಮದರ್ಸಾ, ಇಮಾಮಸಾಬ್ ಈಟಿ, ಹಜರೆಸಾಬ್ ಹಣಗಿ, ಸುಧಾ ನಲವಡಿ, ಫಕ್ಕೀರಪ್ಪ ಲಕ್ಷಮೇಶ್ವರ್, ಅಬ್ದುಲ್‌ ರಹೀಮ್ ಬನ್ನೂರ್, ಹುಸೇನಬಿ ಇಲಕಲ್ಲ. ತುಳಜನಸಾ ಎಚ್. ಕಸ್ತೂರಿಬಾಯಿ ಬಾಕಳೆ, ಖುರೇಶದ ಸೊನ್ನೆಖಾನ್, ಚಾಂದಬಿ ಹಬ್ಬುನವರ, ಮಹಮ್ಮದ್ ಅಲಿ ನರಗುಂದ. ಮಹಮ್ಮದ್ ಸಾಬ್ ಬೂದಿಹಾಳ್ ರವರನ್ನು ನಗರದ 24 ನೇ ವಾರ್ಡಿನ ಸೇವಾತಂಡದ ಕ್ಯಾಪ್ಟನರಾದ ಶಿವಪ್ಪ ತಿಪ್ಪಣ್ಣ ಬಳ್ಳಾರಿರವರ ನೇತೃತ್ವದಲ್ಲಿ ಹುಲಕೋಟಿಯ ಕೆ ಎಚ್ ಪಾಟೀಲ್ ಆಸ್ಪತ್ರೆ ಹಾಗೂ ಸಂಶೋಧನಾ ಕೇಂದ್ರದಲ್ಲಿ ಹುಬ್ಬಳ್ಳಿಯ ಪ್ರತಿಷ್ಠಿತ ಎಮ್ ಎಮ್ ಜೋಶಿ ಕಣ್ಣಿನ ಆಸ್ಪತ್ರೆಯ ವೈದ್ಯರ ತಂಡದವರಿಂದ ಕಣ್ಣಿನ ಪೊರೆಯ ಶಸ್ತ್ರಚಿಕಿತ್ಸೆ ಹಾಗೂ ಲೆನ್ಸ್ ಅಳವಡಿಕೆಯನ್ನು ಯಶಸ್ವಿಯಾಗಿ ಕೈಗೊಳ್ಳಲಾಯಿತು.
ಆ ಪ್ರಯುಕ್ತ 24ನೇ ವಾರ್ಡಿನ ಸಮಸ್ತ ನಾಗರಿಕರು ಎಚ್ ಕೆ ಪಾಟೀಲ್ ಸೇವಾ ತಂಡದ ಅಧ್ಯಕ್ಷರಾದ ಪ್ರಭು ಬುರಬುರೆ, ಪ್ರಧಾನ ಕಾರ್ಯದರ್ಶಿಗಳಾದ ಕೃಷ್ಣಗೌಡ ಎಚ್ ಪಾಟೀಲ್ ಹಾಗೂ ಎಚ್ ಕೆ ಪಾಟೀಲ್ ಸೇವಾ ತಂಡದ ಗೌರವಾಧ್ಯಕ್ಷರಾದ ಡಾ ಎಸ್ ಆರ್ ನಾಗನೂರ, ಸಂಯೋಕರಾದ ಎಮ್ ಸಿ ಶೇಖ, ಡಾ ವೇಮನ ಸಾವಕಾರ, ವೈಧ್ಯಕೀಯ ಸಹಾಯಕರಾದ ರಫೀಕ್ ಕರಕಟ್ಟಿ ಸಿಸ್ಟೆರ್ ಆಶೀಯಾ ನದಾಫ್, ಸವಿತಾ ಬಡಿಗೇರ್, ನ್ಯಾಯವಾದಿ ಹಾಗೂ ಸಾಮಾಜಿಕ ಕಾರ್ಯಕರ್ತರಾದ ರಾಘವೇಂದ್ರ ಪಾಲನಕರ ರವರ ಜನಸೇವೆಯನ್ನು ಸ್ಮರಿಸಿದರು.
ಈ ಸಂದರ್ಭದಲ್ಲಿ ಕೆ ಎಚ್ ಪಾಟೀಲ್ ಆಸ್ಪತ್ರೆ ಹಾಗೂ ಸಂಶೋಧನಾ ಕೇಂದ್ರದ ವೈದ್ಯರು ಹಾಗೂ ಸಿಬ್ಬಂದಿಗಳು ಉಪಸ್ಥಿತರಿದ್ದರು.
