ಸವಿತಾ ಸಮಾಜದ ಸ್ವಾಭಿಮಾನಕ್ಕೆ ಧಕ್ಕೆ ತಂದರೆ ಮನುಷ್ಯನೂ ಪ್ರಾಣಿಯಾದಾನು: ಅಹಂಕಾರದ ಅಟ್ಟಹಾಸಕ್ಕೆ ಕಡೂರು ಕಲಾತಂಡದ ‘ಚಾಟಿಯೇಟು’

ಕರುನಾಡು ಘರ್ಜನೆ ಸುದ್ದಿ ಗದಗ 23: “ಶ್ರಮವೇ ದೈವ” ಎಂದು ನಂಬಿ, ಜಗತ್ತಿನ ಸೌಂದರ್ಯ ಮತ್ತು ನೈರ್ಮಲ್ಯಕ್ಕಾಗಿ ತನ್ನ ಬದುಕನ್ನೇ ಅರ್ಪಿಸುವ ಸವಿತಾ ಸಮಾಜವನ್ನು ಕೀಳಾಗಿ ಕಾಣುವವರಿಗೆ ಕಡೂರಿನ ಪ್ರಭಾವಿ ಉದ್ಯಮಿಗಳಾದ ಜಿಮ್ ಚೇತನ್, ಹಾಗೂ ಕಡೂರು ಪುರಸಭೆಯ ಜನಪ್ರಿಯ ಸದಸ್ಯರಾದ ಮರುಗುದ್ದಿ ಮನು,ರವರ
ತಂಡ ಸಿದ್ಧಪಡಿಸಿರುವ ಕಿರುಚಿತ್ರವು ಕೇವಲ ಕಲೆಯಲ್ಲ, ಅದೊಂದು ‘ಸಾಮಾಜಿಕ ಕ್ರಾಂತಿಯ ಕಿಡಿ’ ಎಂದು ಗದಗ ಜಿಲ್ಲಾ ಸವಿತಾ ಸಮಾಜದ ಅಧ್ಯಕ್ಷರಾದ ಕೃಷ್ಣಾ ಎಚ್. ಹಡಪದ ಅವರು ಗುಡುಗಿದ್ದಾರೆ.
ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಕಿರುಚಿತ್ರದ ಆಳ ಮತ್ತು ಅನಿವಾರ್ಯತೆಯನ್ನು ವಿಮರ್ಶಾತ್ಮಕವಾಗಿ ಹೀಗೆ ವಿಶ್ಲೇಷಿಸಿದ್ದಾರೆ:
*1. ಅಹಂಕಾರಕ್ಕೆ ಕತ್ತರಿ – ಸ್ವಾಭಿಮಾನದ ಎಚ್ಚರಿಕೆ:*
“ಹಣ ಮತ್ತು ರಾಜಕೀಯ ಮದ ಹಾಗೂ ಜಾತಿಯ ಅಹಂಕಾರದಿಂದ ಸವಿತಾ ಸಮಾಜದ ವಿರುದ್ಧ ನಿಷೇಧಿತ ಪದ ಬಳಸಿ ಮೆರೆಯುವವರಿಗೆ ಈ ಚಿತ್ರ ಕಾಲದ ಕನ್ನಡಿ ಹಿಡಿದಿದೆ. ಕ್ಷೌರಿಕನೊಬ್ಬ ತನ್ನ ಕತ್ತರಿ-ಬ್ಲೇಡ್ ಕೆಳಗಿಟ್ಟರೆ, ಎಂತಹ ಪ್ರಭಾವಿ ವ್ಯಕ್ತಿಯೂ ಕೇವಲ ಒಂದು ವರ್ಷದಲ್ಲಿ ತನ್ನ ಮನುಷ್ಯ ರೂಪ ಕಳೆದುಕೊಂಡು ‘ವಿಕಾರ ಪ್ರಾಣಿ’ಯಾಗುತ್ತಾನೆ ಎಂಬ ಸತ್ಯವು, ಸಮಾಜದ ಅನಿವಾರ್ಯತೆಯನ್ನು ಜಗತ್ತಿಗೆ ಸಾರಿದೆ. ಶ್ರಮಿಕನ ಕೈಯಲ್ಲಿರುವ ಕತ್ತರಿ ಕೇವಲ ಸೌಂದರ್ಯ ವರ್ಧಕವಲ್ಲ, ಅದು ಅಹಂಕಾರವನ್ನು ಸವರಿ ಹಾಕುವ ಅಸ್ತ್ರವೂ ಹೌದು ಎಂಬುದನ್ನು ಈ ಚಿತ್ರ ಸಾಬೀತುಪಡಿಸಿದೆ.”
*2. ಶ್ರಮಿಕ ವರ್ಗದ ಒಗ್ಗಟ್ಟಿನ ಶಕ್ತಿ:*
“ಬಡ್ಡಿ ದಂಧೆಕೋರನ ಪಾತ್ರದಲ್ಲಿ ಪ್ರಭಾವಿ ಉದ್ಯಮಿಗಳಾದ ಜಿಮ್ ಚೇತನ್ ಮತ್ತು ಸ್ವಾಭಿಮಾನಿ ಕ್ಷೌರಿಕನಾಗಿ ಕಡೂರು ಪುರಸಭೆಯ ಜನಪ್ರಿಯ ಸದಸ್ಯರಾದ ಮರುಗುದ್ದಿ ಮನು ಅವರ ನಟನೆ ಪ್ರತಿಯೊಬ್ಬ ಅಹಂಕಾರಿಯ ಕಣ್ಣು ತೆರಿಸುವಂತಿದೆ. ತೋಳುಬಲ, ಹಣಬಲದ ಮುಂದೆ ಬಗ್ಗದ ಸಮಾಜದ ಒಗ್ಗಟ್ಟು, ಕೊನೆಗೆ ಅಹಂಕಾರಿಯನ್ನು ಬಹಿರಂಗವಾಗಿ ಕ್ಷಮೆಯಾಚಿಸುವಂತೆ ಮಾಡಿದ್ದು ಶ್ರಮಿಕ ವರ್ಗದ ನೈಜ ಗೆಲುವು. ಈ ಕಿರುಚಿತ್ರವು ‘ಗೌರವ ನೀಡದವರಿಗೆ ಸೇವೆ ನಿಷೇಧ’ ಎಂಬ ಕ್ರಾಂತಿಕಾರಿ ಸಂದೇಶವನ್ನು ರವಾನಿಸಿದೆ.”
*3. ನಿಸ್ವಾರ್ಥ ಬೆಂಬಲಕ್ಕೆ ಸಾಷ್ಟಾಂಗ ನಮನ:*
“ಸವಿತಾ ಸಮಾಜದವರಲ್ಲದಿದ್ದರೂ, ಸಮಾಜ ಅನುಭವಿಸುತ್ತಿರುವ ನೋವನ್ನು ಅರಿತು, ಸ್ವಂತ ಹಿತಾಸಕ್ತಿ ಬದಿಗಿಟ್ಟು ನಟಿಸಿದ ಜಿಮ್ ಚೇತನ್, ಮರುಗುದ್ದಿ ಮನು, ಫೈನಾನ್ಸ್ ಮಂಜು, ಮನು, ಅಭಿಷೇಕ್ ಮತ್ತು ದರ್ಶನ್ ಅವರ ಸಾಮಾಜಿಕ ಬದ್ಧತೆ ಮೆಚ್ಚುವಂತದ್ದು. ಈ ಕಲಾತಂಡಕ್ಕೆ ಗದಗ ಜಿಲ್ಲಾ ಸವಿತಾ ಸಮಾಜವು ಸಾಷ್ಟಾಂಗ ನಮನಗಳನ್ನು ಸಲ್ಲಿಸುತ್ತದೆ.”
*4. ಕಡೆಯ ಮಾತು – ಕ್ರಾಂತಿಕಾರಿ ಎಚ್ಚರಿಕೆ:*
“ಸಮಾಜದ ಬಾಂಧವರನ್ನು ಕೀಳಾಗಿ ಕಾಣುವ ಪ್ರವೃತ್ತಿ ಇಂದಿಗೇ ಕೊನೆಯಾಗಲಿ. ಶ್ರಮಿಕನ ಮೌನವನ್ನು ಅಸಹಾಯಕತೆ ಎಂದು ಭಾವಿಸಬೇಡಿ; ಕ್ಷೌರಿಕನ ವೃತ್ತಿ ಇಲ್ಲದಿದ್ದರೆ ಮನುಷ್ಯನು ಕಾಡುಪ್ರಾಣಿಯಂತಾಗುತ್ತಾನೆ ಎಂಬ ನಗ್ನಸತ್ಯವನ್ನು ಅರಿತು ಗೌರವದಿಂದ ವರ್ತಿಸಿ. ಇಲ್ಲವಾದರೆ ಪ್ರಕೃತಿಯೇ ನಿಮಗೆ ಶಿಕ್ಷೆ ನೀಡಲಿದೆ,” ಎಂದು ಗದಗ ಜಿಲ್ಲಾ ಸವಿತಾ ಸಮಾಜದ ಜಿಲ್ಲಾಧ್ಯಕ್ಷರಾದ ಕೃಷ್ಣಾ ಎಚ್. ಹಡಪದ ಹಾಗೂ ಕರ್ನಾಟಕ ರಾಜ್ಯ ಸವಿತಾ ಸಮಾಜದ ರಾಜ್ಯ ನಿರ್ದೇಶಕರಾದ ಕಡೂರು ರವಿಕುಮಾರ ಕಟುವಾಗಿ ಎಚ್ಚರಿಸಿದ್ದಾರೆ.“ನಮ್ಮ ಸಮಾಜದ ತಾಳ್ಮೆಯನ್ನು ಯಾರೂ ದುರ್ಬಲತೆ ಎಂದು ಭಾವಿಸಬೇಡಿ. ಸವಿತಾ ಸಮಾಜದ ಕೈಯಲ್ಲಿರುವ ಕತ್ತರಿ ಕೇವಲ ಸೌಂದರ್ಯ ವರ್ಧಕವಲ್ಲ, ಅದು ಅಹಂಕಾರವನ್ನು ಸವರಿ ಹಾಕುವ ಅಸ್ತ್ರವೂ ಹೌದು. ಒಬ್ಬ ಶ್ರಮಿಕ ತನ್ನ ಸೇವೆ ನಿಲ್ಲಿಸಿದರೆ ಮನುಷ್ಯನು ಕಾಡುಪ್ರಾಣಿಯಂತಾಗುತ್ತಾನೆ ಎಂಬ ನಗ್ನ ಸತ್ಯವನ್ನು ಈ ಕಿರುಚಿತ್ರ ಜಗತ್ತಿಗೆ ಸಾರಿದೆ. ಸಮಾಜದ ಸ್ವಾಭಿಮಾನಕ್ಕೆ ಧಕ್ಕೆ ತರುವವರಿಗೆ ಇದು ಕೇವಲ ಸಂದೇಶವಲ್ಲ, ಇದೊಂದು ಕ್ರಾಂತಿಕಾರಿ ಎಚ್ಚರಿಕೆ. ನಮ್ಮ ವೃತ್ತಿ ಮತ್ತು ವ್ಯಕ್ತಿತ್ವಕ್ಕೆ ಗೌರವ ನೀಡದವರಿಗೆ ಸಮಾಜದಲ್ಲಿ ಜಾಗವಿಲ್ಲ ಎಂಬುದು ನೆನಪಿರಲಿ.”
— ಕಡೂರು ರವಿಕುಮಾರ
ರಾಜ್ಯ ನಿರ್ದೇಶಕರು, ಕರ್ನಾಟಕ ರಾಜ್ಯ ಸವಿತಾ ಸಮಾಜ