ಕರುನಾಡು ಘರ್ಜುನೆ ಸುದ್ದಿ ಗದಗ : ಗದಗ ಜಿಲ್ಲೆಯ ಎಸ್‌ಎಸ್‌ಎಲ್‌ಸಿ 2026ರ ಫಲಿತಾಂಶದಲ್ಲಿ ವಿವಿಧ ತಾಲ್ಲೂಕುಗಳ ವಿದ್ಯಾರ್ಥಿಗಳು ವಿಷಯವಾರು ಉನ್ನತ ಸಾಧನೆ ಮಾಡಿ ಗಮನ ಸೆಳೆದಿದ್ದಾರೆ.
ಕನ್ನಡ, ಇಂಗ್ಲಿಷ್ ಹಾಗೂ ಉರ್ದು ಮಾಧ್ಯಮಗಳಲ್ಲಿ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಸ್ಥಾನಗಳನ್ನು ಪಡೆದ ವಿದ್ಯಾರ್ಥಿಗಳ ವಿವರ ಇಂತಿದೆ.
ಕನ್ನಡ ಮಾಧ್ಯಮದಲ್ಲಿ ಸಾಧನೆ: ರೋಣ ತಾಲ್ಲೂಕಿನ ಪದ್ಮಾವತಿ ಮಾರುತಿ ಶಾಬಡಿ ಅವರು 619 ಅಂಕಗಳೊಂದಿಗೆ (99.04%) ಪ್ರಥಮ ಸ್ಥಾನ ಪಡೆದಿದ್ದಾರೆ. ಶಿರಹಟ್ಟಿ ತಾಲ್ಲೂಕಿನ ಸ್ನೇಹಾ ಶರಣಪ್ಪ ಕರಜಗಿ 618 ಅಂಕ (98.88%) ಪಡೆದು ದ್ವಿತೀಯ ಸ್ಥಾನದಲ್ಲಿದ್ದಾರೆ. ಅದೇ ತಾಲ್ಲೂಕಿನ ಕಾರ್ತಿಕರಡ್ಡಿ ವೀರೇಶರಡ್ಡಿ ಕಮರಡ್ಡಿ 615 ಅಂಕ (98.4%) ಗಳಿಸಿ ತೃತೀಯ ಸ್ಥಾನ ಪಡೆದಿದ್ದಾರೆ.
ಇಂಗ್ಲಿಷ್ ಮಾಧ್ಯಮ : ರೋಣ ತಾಲ್ಲೂಕಿನ ಪ್ರವೀಣ್ ಕುಮಾರ್ ಇರಪ್ಪ ಸೋಬಗಿನ್ 622 ಅಂಕ (99.52%) ಗಳಿಸಿ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾರೆ. ಮುಂಡರಗಿ ತಾಲ್ಲೂಕಿನ ಸಂಧ್ಯಾ ಭೋಜಪ್ಪ ಲಮಾಣಿ 621 ಅಂಕ (99.36%) ಪಡೆದು ದ್ವಿತೀಯ ಸ್ಥಾನದಲ್ಲಿದ್ದಾರೆ. ರೋಣದ ಸುಷ್ಮಾ ತವರೇಪ್ಪ ನಾಯಕ ಹಾಗೂ ಮುಂಡರಗಿಯ ರೇವಂತ್ ರೆಡ್ಡಿ ನಾಗರಾಜ್ ಇಬ್ಬರೂ 620 ಅಂಕ (99.2%) ಪಡೆದು ತೃತೀಯ ಸ್ಥಾನ ಹಂಚಿಕೊಂಡಿದ್ದಾರೆ.
ಉರ್ದು ಮಾಧ್ಯಮ : ಗದಗ ನಗರ ಪ್ರದೇಶದ ಅಲಿಯಾ ಮಕ್ತುಂಸಾಬ್ ಕುಕನೂರು 602 ಅಂಕ (96.32%) ಗಳಿಸಿ ಪ್ರಥಮ ಸ್ಥಾನ ಪಡೆದಿದ್ದಾರೆ. ಆಫ್ರಿನ್ ಬಾನು ಅಮೀನ್ಸಾಬ್ ಗುಡಸಾಲ್ಮಣಿ 599 ಅಂಕ (95.84%) ಪಡೆದು ದ್ವಿತೀಯ ಸ್ಥಾನದಲ್ಲಿದ್ದಾರೆ. ರೋಣ ತಾಲ್ಲೂಕಿನ ಅರ್ಷಿಯಾ ಜಹಾಂಗೀರ್ಬಾದಶಾ ಮುಲ್ಲಾ 594 ಅಂಕ (95.04%) ಪಡೆದು ತೃತೀಯ ಸ್ಥಾನ ಗಳಿಸಿದ್ದಾರೆ.
ಜಿಲ್ಲೆಯ ವಿವಿಧ ಸರ್ಕಾರಿ ಹಾಗೂ ಖಾಸಗಿ ಶಾಲೆಗಳ ವಿದ್ಯಾರ್ಥಿಗಳು ಉತ್ತಮ ಸಾಧನೆ ತೋರಿರುವುದು ಶಿಕ್ಷಣ ಕ್ಷೇತ್ರದ ಪ್ರಗತಿಗೆ ಸಾಕ್ಷಿಯಾಗಿದೆ. ಶಿಕ್ಷಕರು ಹಾಗೂ ಪೋಷಕರು ವಿದ್ಯಾರ್ಥಿಗಳ ಪರಿಶ್ರಮಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.
