ಕರುನಾಡು ಘರ್ಜನೆ ಸುದ್ದಿ ಗದಗ 04: “ಬಾಗಲಕೋಟೆ ಮತ್ತು ದಾವಣಗೆರೆ ಉಪಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷವು ಬೃಹತ್ ಜಯಭೇರಿ ಬಾರಿಸುವ ಮೂಲಕ ರಾಜ್ಯದಲ್ಲಿ ಸುನಾಮಿ ಎಬ್ಬಿಸಿದೆ. ವಿಶೇಷವಾಗಿ ಬಾಗಲಕೋಟೆ ಚುನಾವಣಾ ಅಖಾಡದ ಉಸ್ತುವಾರಿ ಹೊತ್ತಿದ್ದ ಸಚಿವ ಎಚ್. ಕೆ. ಪಾಟೀಲರ ಸುಪುತ್ರ ಹಾಗೂ ಗದಗ ಮತಕ್ಷೇತ್ರದ ಮುಂದಿನ ಭವಿಷ್ಯದ ನಾಯಕರೂ ಆಗಿರುವ ಕೃಷ್ಣಗೌಡ್ರು ಪಾಟೀಲರ ಸಂಘಟನಾ ಚಾತುರ್ಯ ಮತ್ತು ಕಠಿಣ ಶ್ರಮ ಈ ಅವಳಿ ದಿಗ್ವಿಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದೆ,” ಎಂದು ಗದಗದ ಕಾಂಗ್ರೆಸ್ ಕಾರ್ಯಕರ್ತ ಹಾಗೂ ಸಾಮಾಜಿಕ ಕಾರ್ಯಕರ್ತ ಕೃಷ್ಣಾ ಎಚ್. ಹಡಪದ ಹರ್ಷ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಪತ್ರಿಕಾ ಪ್ರಕಟಣೆ ನೀಡಿರುವ ಅವರು ಬಾಗಲಕೋಟೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಉಮೇಶ್ ಮೇಟಿ ಹಾಗೂ ದಾವಣಗೆರೆ ದಕ್ಷಿಣದಲ್ಲಿ ಸಮರ್ಥ್ ಶಾಮನೂರು ಅವರು ದಾಖಲೆ ಮತಗಳಿಂದ ಜಯಗಳಿಸಿರುವುದು ವಿರೋಧ ಪಕ್ಷಗಳ ಸುಳ್ಳಿನ ಕೋಟೆಯನ್ನು ಧ್ವಂಸಗೊಳಿಸಿದೆ.
ಈ ಎರಡೂ ಕ್ಷೇತ್ರಗಳ ಫಲಿತಾಂಶವು ರಾಜ್ಯದಲ್ಲಿ ಕಾಂಗ್ರೆಸ್ ಅಲೆಯನ್ನು ಮತ್ತಷ್ಟು ಭದ್ರಪಡಿಸಿದೆ ಕೃಷ್ಣಗೌಡ್ರು ಪಾಟೀಲರು ಕೇವಲ ಬಾಗಲಕೋಟೆಯಷ್ಟೇ ಅಲ್ಲದೆ, ತಮ್ಮ ರಾಜಕೀಯ ಮುತ್ಸದ್ದಿತನದ ಮೂಲಕ ದಾವಣಗೆರೆಯ ಗೆಲುವಿಗೂ ಪರೋಕ್ಷ ನೈತಿಕ ಶಕ್ತಿಯಾಗಿ ನಿಂತಿದ್ದಾರೆ.
ಮೊದಲ ಬಾರಿಗೆ ಇಂತಹ ದೊಡ್ಡ ಮಟ್ಟದ ಚುನಾವಣಾ ಹೊಣೆಗಾರಿಕೆಯನ್ನು ಅತ್ಯಂತ ದಕ್ಷತೆಯಿಂದ ನಿಭಾಯಿಸುವ ಮೂಲಕ ತಮ್ಮ ನಾಯಕತ್ವದ ಕ್ಷಮತೆಯನ್ನು ಸಾಬೀತುಪಡಿಸಿದ್ದಾರೆ ಎಂದ ಅವರು ಗದಗ ಮತಕ್ಷೇತ್ರದ ಅಭಿವೃದ್ಧಿಯ ಆಶಯದೊಂದಿಗೆ ಬೆಳೆಯುತ್ತಿರುವ ಕೃಷ್ಣಗೌಡ್ರು ಪಾಟೀಲರು, ಹೊರಜಿಲ್ಲೆಯ ಚುನಾವಣೆಗಳಲ್ಲಿ ಈ ಪರಿಯ ಯಶಸ್ಸು ತಂದುಕೊಟ್ಟಿರುವುದು ನಮ್ಮ ಕ್ಷೇತ್ರದ ಪ್ರತಿಯೊಬ್ಬ ಕಾರ್ಯಕರ್ತರಿಗೂ ಹೆಮ್ಮೆಯ ವಿಷಯ.
ಇದು ಅವರ ಉಜ್ವಲ ರಾಜಕೀಯ ಭವಿಷ್ಯದ ದಿಕ್ಸೂಚಿಯಾಗಿದೆ ಹಾಗೂ “ಬಾಗಲಕೋಟೆ ಮತ್ತು ದಾವಣಗೆರೆಯ ಈ ಐತಿಹಾಸಿಕ ಗೆಲುವು ಕಾಂಗ್ರೆಸ್ ಶಕ್ತಿಯನ್ನು ಇಡೀ ರಾಜ್ಯಕ್ಕೆ ಸಾರಿದೆ ಮತ್ತು ಕೃಷ್ಣಗೌಡ್ರು ಪಾಟೀಲರಂತಹ ಯುವ ನಾಯಕರು ಗದಗ ಮತಕ್ಷೇತ್ರದ ಚುಕ್ಕಾಣಿ ಹಿಡಿಯುವ ಮೂಲಕ ನಮ್ಮ ಭಾಗಕ್ಕೆ ಹೊಸ ಚೈತನ್ಯ ತರಲಿದ್ದಾರೆ,” ಎಂದು ಕೃಷ್ಣಾ ಎಚ್. ಹಡಪದ ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಕೃಷ್ಣಾ ಎಚ್. ಹಡಪದ
9845650612
