ಹೊಸ ಕಾನೂನಿನ ಬಗ್ಗೆ.ಪೊಲೀಸರಿಗೆ ತರಬೇತಿ.ಬ್ರಿಟಿಷರ ಕಾಲದ ಅಪರಾಧ ಕಾಯ್ದೆಗೆ ಗುಡ್‌ಬೈ:ಡಾ. ಪರಮೇಶ್ವರ್

 ಕರುನಾಡು ಘರ್ಜನೆ ಸುದ್ದಿ :ಬೆಂಗಳೂರು: ಭಾರತೀಯ ನ್ಯಾಯ ಸಂಹಿತೆ, ಭಾರತೀಯ ನಾಗರೀಕ ಸುರಕ್ಷಾ ಸಂಹಿತೆ, ಭಾರತೀಯ ಸಾಕ್ಷ್ಯ ಅಧಿನಿಯಮ ಎಂಬ ಮೂರು ಅಪರಾಧ ಕಾಯ್ದೆಗಳು ಜುಲೈ 1 ರಿಂದ ಜಾರಿಗೆ ಬಂದಿದ್ದು, ಬ್ರಿಟಿಷ್ ಕಾಲದ ಅಪರಾಧ ಕಾಯ್ದೆಗಳು ರದ್ದುಗೊಂಡಿದೆ. ಈ ನಿಟ್ಟಿನಲ್ಲಿ ಪೊಲೀಸರಿಗೆ ಅನುಕೂಲ ಆಗಲು ನೂತನ ಆ್ಯಪ್ ಬಿಡುಗಡೆ ಮಾಡಲಾಗಿದೆ ಎಂದು ಗೃಹ ಸಚಿವ ಡಾ. ಜಿ ಪರಮೇಶ್ವರ್ ಹೇಳಿದರು.ಬೆಂಗಳೂರಿನಲ್ಲಿ ಸೋಮವಾರ ಮಾತನಾಡಿದ ಅವರು, ಇಂದಿನಿಂದ ದಾಖಲಾಗುವ ಹೊರ ಪ್ರಕರಣಗಳನ್ನು ಹೊಸ ಕಾನೂನಿನ ಅಡಿಯಲ್ಲಿ ಪರಿಗಣಿಸಲಾಗುತ್ತದೆ. ಹೊಸ ಕಾನೂನಿನ ಬಗ್ಗೆ ಪೊಲೀಸರಿಗೆ ತರಬೇತಿ ನೀಡಲಾಗಿದೆ. ಇದಕ್ಕಾಗಿ ಒಂದು ನೂತನವಾದ ಆ್ಯಪ್ ಕ್ರಿಯೇಟ್ ಮಾಡಲಾಗಿದೆ. ಹೊಸ ಕಾನೂನುಗಳಬಗ್ಗೆ ಮಾಹಿತಿಯನ್ನು ಈ ಆ್ಯಪ್ ಮೂಲಕ ಪಡೆದುಕೊಳ್ಳಬಹುದು ಎಂದು ತಿಳಿಸಿದರು.ಹೊಸ ಕಾನೂನುಗಳ ಜಾರಿಯಿಂದ ಆಗುವ ಅನುಕೂಲ ಆನಾನುಕೂಲಗಳ ಬಗ್ಗೆ ಈಗಲೇ ನಿರ್ಧಾರಕ್ಕೆ ಬರಲು ಸಾಧ್ಯವಿಲ್ಲ. ಇದರ ಯಶಸ್ವಿ ಹಾಗೂ ವೈಫಲ್ಯತೆ ಇವಾಗ ಗೊತ್ತಾಗಲ್ಲ. ನ್ಯಾಯಾಲಯದಲ್ಲಿ ಯಾವ ರೀತಿಯಲ್ಲಿ ಪಕ್ರಿಯೆಗಳು ನಡೆಯಲಿದೆ ಎಂಬುವುದು ನಂತರದಲ್ಲಿ ತಿಳಿಯುತ್ತೆ. ಪರ ವಿರೋಧದ ಬಗ್ಗೆ
ಮತ್ತೆ ಚರ್ಚೆ ಆಗಲಿದೆ ಎಂದು ತಿಳಿಸಿದರು.

ಏನಿದು ಹೊಸ ಕಾನೂನು?

ದೇಶದ ಕ್ರಿಮಿನಲ್ ಕಾನೂನು ವ್ಯವಸ್ಥೆಯಲ್ಲಿ ಬದಲಾವಣೆಯನ್ನು ತರುವ ನಿಟ್ಟಿನಲ್ಲಿ ಮೂರು ಕ್ರಿಮಿನಲ್ ಅಪರಾಧ ಕಾನೂನುಗಳ ಬದಲಾವಣೆ ಮಾಡಲಾಗಿದೆ. ಹೊಸ ಕಾನೂನು ಜುಲೈ 1 ರಿಂದ ಜಾರಿಗೆ ಬಂದಿದೆ. 163 ವರ್ಷಗಳ ಹಿಂದೆ ರೂಪುಗೊಂಡ ಭಾರತೀಯ ದಂಡ ಸಂಹಿತೆ, 126 ವರ್ಷಗಳ ಹಿಂದಿನ ಅಪರಾಧ ದಂಡ ಪ್ರಕ್ರಿಯಾ ಸಂಹಿತೆ, 151 ವರ್ಷಗಳ ಹಿಂದಿನ ಭಾರತೀಯ ಸಾಕ್ಷ್ಯ ಅಧಿನಿಯಮಕ್ಕೆ ಬದಲಾವಣೆ ಮಾಡಲಾಗಿದೆ.ಹೊಸ ಕಾನೂನಿನ ಬಗ್ಗೆ ಕೆಲವೊಂದು ಗೊಂದಲಗಳು ಇವೆ ಹಾಗೂ ವಕೀಲರ ವಲಯದಲ್ಲೂ ಈ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಹೊಸ ಕಾನೂನಿನಲ್ಲಿ 12 ವರ್ಷಕ್ಕಿಂತ ಕೆಳಗಿನ ಬಾಲಕಿಯ ಮೇಲೆ ಅತ್ಯಾಚಾರ ಪ್ರಕರಣಕ್ಕೆ ಕನಿಷ್ಠ 29 ವರ್ಷಗಳ ಜೈಲು ಶಿಕ್ಷೆಗೆ ಅನುಕಾಶ ಇದೆ. ಅಪರಾಧಗಳ ಬಗ್ಗೆ ಎಲೆಕ್ಟ್ರಿಕ್ ಸಂವಹನ ಮಾಧ್ಯಮಗಳನ್ನು ಬಳಸಿ ದೂರು ನೀಡಲು ಅವಕಾಶ ಇದೆ.