ಮಾನವಿಯತೆ ಮೆರೆದ ಗದಗ ಜಿಲ್ಲೆಯ ಪ್ರವಾಸಿ ಮಿತ್ರ ಸಿಬ್ಬಂದಿಗಳಿಗೆ ಸೆಲ್ಯೂಟ್..!

ಕರುನಾಡು ಘರ್ಜನೆ ಸುದ್ದಿ: ಗದಗ ಜಿಲ್ಲೆಯ ಪ್ರವಾಸಿ ಸ್ಥಳಗಳಲ್ಲಿ ಒಂದು ಪ್ರಸಿದ್ಧವಾದ ಶ್ರೀ ತ್ರೀಕೂಟೇಶ್ವರ ದೇವಸ್ಥಾನದಲ್ಲಿ ದಿನಾಂಕ 15-07- 2024 ರಂದು ಬೆಳಿಗ್ಗೆ ದೇವರ ಸ್ವರೂಪವೆಂದು ಪೂಜಿಸುವ ಗೂಳಿಯೊಂದು ಅಪಘಾತದಲ್ಲಿ ಗಾಯಗೊಂಡು ದೇವಸ್ಥಾನದ ಒಳಗೆ ಬಂದು ತೀವ್ರ ರಕ್ತಸ್ರಾವದಿಂದ ನರಳಾಡಿ ಅರೆಜೀವವಾಗಿ ಬಳಲುತ್ತಿತ್ತು. ದೇವಸ್ಥಾನಕ್ಕೆ ವೀಕ್ಷಣೆಗೆಂದು ಬರುವ ಪ್ರವಾಸಿಗರಿಗೆ ಮಾಹಿತಿ ಹಾಗೂ ಸುರಕ್ಷತೆ ಒದಗಿಸುವ ನಿಟ್ಟಿನಲ್ಲಿ ಪ್ರವಾಸೋದ್ಯಮ ಇಲಾಖೆಯಿಂದ ಪ್ರವಾಸಿ ಮಿತ್ರ ಸಿಬ್ಬಂದಿಯಾಗಿ ಪ್ರಸ್ತುತ ಕರ್ತವ್ಯ ನಿರ್ವಹಿಸುತ್ತಿರುವ ಕುಮಾರಿ ಸರಿತಾ.ಎಲ್.ಬುಟ್ಟಿ ಕೊರವರ ರವರು ಮತ್ತು ಶ್ರೀ ಕನಕರಾಜ ಹು. ಮೂಲಿಮನಿಯವರು ಆ ಮೂಖ ಪ್ರಾಣಿಯ ರೋಧನೆ ಕಂಡು ಕೂಡಲೆ ಪಶು ಸಂರಕ್ಷಣಾ ಸಹಾಯವಾಣಿಗೆ ಕರೆ ಮಾಡಿ ಪಶು ವೈದ್ಯಾಧಿಕಾರಿಗಳಿಗೆ ಮಾಹಿತಿ ತಿಳಿಸಿದರು, ಮಾಹಿತಿ ಪಡೆದ ಪಶು ವೈದ್ಯಾಧಿಕಾರಿಗಳು ಅವರ ತಂಡದ ಜೊತೆಗೆ ಕೆಲವೆ ನಿಮಿಷಗಳಲ್ಲಿ ದೇವಸ್ಥಾನಕ್ಕೆ ಬಂದು ತೀವ್ರವಾಗಿ ಗಾಯಗೊಂಡ ಗೂಳಿಗೆ ಒಂದು ಘಂಟೆಗೂ ಅಧಿಕವಾಗಿ ಚಿಕಿತ್ಸೆ ನಡೆಸಿ ಮೂಖ ಪ್ರಾಣಿಯ ಜೀವ ಉಳಿಸಿದರು ಹಾಗೂ ಇಲ್ಲಿರುವ ಪ್ರವಾಸಿ ಮಿತ್ರ ಸಿಬ್ಬಂದಿಯವರ ಸಮಯ ಪ್ರಜ್ಞೆಯಿಂದ ಸಿಕ್ಕ ಮಾಹಿಯ ಮೇರೆಗೆ ಒಂದು ಜೀವ ಉಳಿಸಲಾಯಿತು ಎಂದು ಪಶು ವೈದ್ಯಾಧಿಕಾರಿಗಳು ಹಾಗೂ ಅವರ ತಂಡದವರು ತಿಳಿಸಿ ಶ್ಲಾಘನೀಯ ವ್ಯಕ್ತಪಡಿಸಿದರು. ಇದನ್ನೆಲ್ಲ ನೋಡಿದಂತಹ ದೇವಸ್ಥಾನದಲ್ಲಿಯ ಅರ್ಚಕರು ಹಾಗೂ ಸ್ಥಳೀಯರು ಇದ್ದರು.