ಕರುನಾಡು ಘರ್ಜನೆ :ಸುದ್ದಿ ಮೇಲ್ಕಾಣಿಸಿದ ವಿಷಯದನ್ವಯ ಈ ಮೂಲಕ ವಿನಂತಿಸಿಕೊಳ್ಳುವುದೇನೆಂದರೆ, ಗದಗ ಗ್ರಾಮೀಣ ಪೊಲೀಸ್ ಠಾಣಾ ಯು.ಡಿ.ಆರ್.ನಂ: ೪೭/೨೦೨೪, ಕಲಂ: ೧೯೪ ಬಿ.ಎನ.ಎಸ್.ಎಸ್ ನೇದ್ದರಲ್ಲಿ ಗದಗ ಜಿಲ್ಲಾ ಆಸ್ಪತ್ರೆಯಲ್ಲಿ ದಿನಾಂಕ ೧೬.೦೯.೨೦೨೪ ರಂದು ದಾಖಲಾಗಿ ಉಪಚಾರದಲ್ಲಿದ್ದ ಸುಮಾರು ೫೫ ವರ್ಷ ವಯಸ್ಸಿನ, ಎಣ್ಣಿಗೆಂಪು ಮೈಬಣ್ಣ, ಕೋಲು ಮುಖ, ತೆಳ್ಳನೆಯ ಮೈಕಟ್ಟು, ಅಗಲವಾದ ಹಣೆ, ಕಪ್ಪು ಬಿಳಿ ಮಿಶ್ರಿತ ಕೂದಲು, ಬಿಳಿ ದಾಡಿ ಮೀಸೆ ಇದ್ದು, ಸುಮಾರು ೫ ಅಡಿ ಎತ್ತರದ ಮೈಮೇಲೆ ಜಿಲ್ಲಾ ಆಸ್ಪತ್ರೆಯ ರೋಗಿಗಳು ಧರಿಸುವ ಗುಲಾಬಿ ಬಣ್ಣದ ಅರ್ದ ತೋಳಿನ ಅಂಗಿ ಧರಿಸಿದ್ದವನು ಈ ದಿನ ದಿನಾಂಕ ೦೫.೧೦.೨೦೨೪ ರಂದು ೧೧-೨೦ ಗಂಟೆಗೆ ಉಪಚಾರ ಪಲಿಸದೆ ಮೃತಪಟ್ಟಿದ್ದು.
ಮೃತನ ಹೆಸರು ವಾಸಸ್ಥಳ ಹಾಗೂ ವಾರಸುದಾರರ ಬಗ್ಗೆ ಯಾವುದೇ ಮಾಹಿತಿಯು ಲಭ್ಯವಾಗದೇ ಇದ್ದುದ್ದರಿಂದ ಸದರ ಹೆಸರು ವಿಳಾಸ ತಿಳಿದುಬಾರದ ಅನಾಮದೇಯ ಮೃತನು ಯಾವುದೋ ಕಾಯಿಲೆಯಿಂದಲೋ, ಅನಾರೋಗ್ಯದಿಂದಲೋ ಅಥವಾ ಇನ್ನಾವುದೋ ಕಾರಣದಿಂದಲೋ ಮೃತಪಟ್ಟಿದ್ದು, ಈ ಬಗ್ಗೆ ಗದಗ ಗ್ರಾಮೀಣ ಠಾಣೆಯಲ್ಲಿ ಯು.ಡಿ ನಂ-೪೭/೨೦೨೪ ಕಲಂ ೧೯೪ ಬಿ.ಎನ.ಎಸ್.ಎಸ್ ಅಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದೆ.
ಮೃತನ ವಾರಸುದಾರರ ಪತ್ತೆ ಕುರಿತು ಮೃತನ ಮೃತ ದೇಹವನ್ನು ಗದಗ ಜಿಲ್ಲಾ ಆಸ್ಪತ್ರೆಯ ಶವಾಗಾರದಲ್ಲಿ ಸಂರಕ್ಷಣೆ ಮಾಡಿ ಇಟ್ಟಿದ್ದೆ.
