ಕರುನಾಡು ಘರ್ಜನೆ ಸುದ್ದಿ ಗದಗ 31: ಕ್ಷೌರಿಕ ಕುಲ ವೃತ್ತಿ ಉದ್ಯಮ ಸ್ವರೂಪ ಪಡೆದುಕೊಳ್ಳುತ್ತಿದ್ದು, ಹೆಚ್ಚಿನ ಬಂಡವಾಳ ಬೇಡುತ್ತಿದೆ. ಪರಿಣಾಮ ಸಾಲ-ಸೋಲ ಮಾಡಿಯಾದರೂ, ಅಂಗಡಿಗಳನ್ನು ಹೈಟೆಕ್ ಮಾಡುವ ಅನಿವಾರ್ಯತೆ ಎದುರಾಗಿದೆ ಎಂದು ಗದಗ ಜಿಲ್ಲಾ ಸವಿತಾ ಸಮಾಜದ ಜಿಲ್ಲಾಧ್ಶಕ್ಷರಾದ ಕೃಷ್ಣಾ ಎಚ್ ಹಡಪದ ಸಮಾಜದವರ ಅಳಲನ್ನು ತೊಡಿಕೊಂಡು ಮಾತನಾಡಿದರು
ಪತ್ರಿಕಾ ಹೇಳಿಕೆ ನೀಡಿರುವ ಅವರು ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆ ಪ್ರದೇಶದಲ್ಲಿರುವ ಮಳಿಗೆಗಳ ದುಬಾರಿ ಬಾಡಿಗೆಗಳು, ಅಂಗಡಿ ನಿರ್ವಹಣೆ ಖರ್ಚುಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದ್ದು, ಕ್ಷೌರಿಕರ ಬದುಕು ದುರ್ಬಲವಾಗಿದೆ. ನೋಡಲು ಕ್ಷೌರದ ಅಂಗಡಿಗಳು ಹೈಟೆಕ್ ಆಗಿದ್ದರೂ, ಅನೇಕರಿಗೆ ವಾಸಕ್ಕೆ ಆಶ್ರಯ ಮನೆಗಳೂ ಸಹ ಇಲ್ಲ. ಹೀಗಾಗಿ ಬಹುತೇಕರು ಬಾಡಿಗೆ ಹಾಗೂ ಹರಕು-ಮುರುಕು ಮನೆಗಳಲ್ಲೇ ವಾಸಿಸುತ್ತಿದ್ದಾರೆ.
ಇದೆಲ್ಲದರ ಮಧ್ಯೆ ವಿದ್ಯುತ್ ಶುಲ್ಕವೂ ದುಪ್ಪಟ್ಟಾಗಿದೆ. ಈ ಹಿನ್ನೆಲೆಯಲ್ಲಿ ನಗರ ಹಾಗೂ ಗ್ರಾಮೀಣ ಭಾಗದಲ್ಲಿರುವ ಕ್ಷೌರದ ಅಂಗಡಿಗಳಿಗೆ ಮಾಸಿಕ ಕನಿಷ್ಠ 150 ಯೂನಿಟ್‌ಗಳ ವರೆಗೆ ಉಚಿತ ವಿದ್ಯುತ್ ಒದಗಿಸಬೇಕು. 150 ಯೂನಿಟ್‌ ಗಿಂತ ಹೆಚ್ಚಿನ ವಿದ್ಯುತ್ ಬಳಕೆಗೆ ಗೃಹ ಬಳಕೆ ದರದಲ್ಲಿ ಶುಲ್ಕ ವಿದಿಸಬೇಕು. ಈ ಮೂಲಕ ರಾಜ್ಯದ ಬಡ ಕ್ಷೌರಿಕರನ್ನು ಆರ್ಥಿಕ ಸಂಕಷ್ಟದಿಂದ ಪಾರು ಮಾಡಬೇಕು ಎಂದರಲ್ಲದೇ, ತೆಲಂಗಾಣ, ಆಂಧ್ರ ಪ್ರದೇಶ ಸೇರಿದಂತೆ ದೇಶದ ವಿವಿಧ ಕ್ಷೌರಿಕರಿಗೆ ಉಚಿತ ವಿದ್ಯುತ್ ಒದಗಿಸಬೇಕೆಂದು ಆಯಾ ರಾಜ್ಯ ಸರಕಾರಗಳಿಗೆ ಮನವಿ ಮಾಡಲಾಗುತ್ತಿದೆ. ಈ ಕೂಡಲೇ ಕ್ಷೌರಿಕ ಅಂಗಡಿಗಳಿಗೆ ಸಬ್ಸಿಡಿ ಸಹಿತ ವಿದ್ಯುತ್ ಪೂರೈಕೆಗೆ ಆದೇಶಿಸಬೇಕು. ಈ ಮೂಲಕ ಕ್ಷೌರದ ಅಂಗಡಿಗಳಿಗೆ ಉಚಿತ ವಿದ್ಯುತ್ ಕಲ್ಪಿಸಿದ ದೇಶದ ಮೊದಲ ಮುಖ್ಯಮಂತ್ರಿ ಎಂಬ ಹೆಗ್ಗಳಿಕೆಗೆ ತಾವು ಪಾತ್ರರಾಗಬೇಕು ಎಂದು ಗದಗ ಜಿಲ್ಲಾ ಸವಿತಾ ಸಮಾಜದ ಜಿಲ್ಲಾಧ್ಶಕ್ಷರಾದ ಕೃಷ್ಣಾ ಎಚ್ ಹಡಪದ ಅವರು ರಾಜ್ಶದ ಮುಖ್ಶಮಂತ್ರಿಗಳಾದ ಸಿದ್ದರಾಮಯ್ಶ ಅವರಿಗೆ ಹಾಗೂ ಕರ್ನಾಟಕ ರಾಜ್ಶ ಸರಕಾರಕ್ಕೆ ಮನವಿ ಮಾಡಿ ಒತ್ತಾಯಿಸಿ ಆಗ್ರಹಿಸಿದ್ದಾರೆ
ರಾಜ್ಯದಲ್ಲಿ ಯಾವುದೆ ಆಸರೆ ಇಲ್ಲದೆ ಸವಿತಾ, ಹಡಪದ. ಮರಾಠ ಕ್ಷೌರಿಕರು ಜತೆಗೆ 21 ಉಪ ಪಂಗಡದವರೇಲ್ಲರು ಸಾಂಪ್ರದಾಯಿಕವಾದ ಕ್ಷೌರಿಕ ವೃತ್ತಿಯನ್ನೇ ನೆಚ್ಚಿಕೊಂಡು ಬದುಕು ಸಾಗಿಸುತ್ತಿದ್ದಾರೆ
ಸ್ಪಾಗಳನ್ನು ಹೊರತು ಪಡಿಸಿ ಬಡ ಕ್ಷೌರಿಕರಿಗೆ ಆಸರೆಯಾಗಲು ಸರಕಾರವು ಉಚಿತ ವಿದ್ಯುತ್ ಕಲ್ಪಿಸಲು ಮುಂದಾಗಲಿ.
