ಕರುನಾಡು ಘರ್ಜನೆ ಸುದ್ದಿ : ಚಿಕ್ಕೋಡಿ ಬೆಳಗಾವಿ :ರಾಜ್ಯದಲ್ಲಿ ಎಸ್ಎಸ್ಎಲ್ಸಿ ಪರೀಕ್ಷೆಯ ಉತ್ತರ ಪತ್ರಿಕೆ ಮೌಲ್ಯಮಾಪನ ನಡೆಯುತ್ತಿದೆ. ಪ್ರತಿ ಬಾರಿಯೂ ಉತ್ತರಪತ್ರಿಕೆಗಳಲ್ಲಿ ವಿದ್ಯಾರ್ಥಿಗಳು ವಿಶೇಷ ಭಿನ್ನಹ ಸಲ್ಲಿಸುವುದು ಆಗಾಗ ಕಂಡುಬರುತ್ತಿದೆ. ಈ ಬಾರಿಯೂ ಸಹ ವಿದ್ಯಾರ್ಥಿಗಳು ತರಹೇವಾರಿ ಕೋರಿಕೆ ಸಲ್ಲಿಸಿದ್ದಾರೆ ಎಂಬ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿವೆ.
ಬೆಳಗಾವಿಯ ಚಿಕ್ಕೋಡಿ ತಾಲೂಕಿನ ನಿಪ್ಪಾಣಿ ಮೌಲ್ಯಮಾಪನ ಕೇಂದ್ರದಲ್ಲಿ ಪತ್ತೆಯಾಗಿದೆ ಎನ್ನಲಾದ ವಿದ್ಯಾರ್ಥಿಯೊಬ್ಬನ ಉತ್ತರಪತ್ರಿಕೆಯು ವಿಶೇಷ ಗಮನ ಸೆಳೆಯುತ್ತಿದೆ. ಅದರಲ್ಲಿ ಆತ, 500 ರೂಪಾಯಿ ನೋಟೊಂದನ್ನು ಅಂಟಿಸಿ, “ಹೇಗಾದರೂ ಮಾಡಿ ನನ್ನನ್ನು ಪಾಸ್ ಮಾಡಿ. ಇಲ್ಲವಾದಲ್ಲಿ ನನ್ನ ಲವ್ ಫೇಲಾಗುತ್ತೆ. ನಾನು ಎಸ್ಎಸ್ಎಲ್ಸಿ ಪಾಸಾದರಷ್ಟೇ ನನ್ನ ಹುಡುಗಿ ಲವ್ ಮಾಡ್ತೀನಿ ಅಂದಾಳ” ಎಂದು ಬರೆದಿದ್ದಾನೆ.ವೈರಲ್ ಉತ್ತರ ಪತ್ರಿಕೆಯಲ್ಲಿ ವಿದ್ಯಾರ್ಥಿ ಬರೆದಿದ್ದೇನು?:ಸರ್/ಮೇಡಂ ಅವರೇ, ನಿಮ್ಮ ಕಾಲು ಬೀಳ್ತೀನಿ. ನನ್ನ LOVE ನಿಮ್ಮ ಕೈಯಲ್ಲಿದೆ. ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಪಾಸ್ ಆದ್ರೆ ಮಾತ್ರ ನನ್ನ ಹುಡುಗಿ ಲವ್ ಮಾಡ್ತೀನಿ ಅಂದಾಳ. ಹೀಗಾಗಿ, ಈ ಐದು ನೂರು ರೂಪಾಯಿ ಹಣದಲ್ಲಿ ಚಹಾ ಕುಡೀರಿ. ಪರೀಕ್ಷೆಯಲ್ಲಿ ನನ್ನ ಪಾಸ್ ಮಾಡಿ ಎಂದು ಕೇಳಿಕೊಂಡು, ಜೊತೆಗೆ, ಐದು ನೂರು ರೂಪಾಯಿ ನೋಟನ್ನು ಉತ್ತರಪತ್ರಿಕೆಗೆ ಅಂಟಿಸಿರುವ ಫೋಟೋ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ವೈರಲ್ ಆಗಿದೆ.
